பிக்கு ஒருவன், தனக்குக் கிடைத்தது அற்பமேயா யினும், அதை இகழாமல், தூயவாழ்வுடன்சோம்பலின்றி உழைத்து வந்தால், அவனைத் தேவர்களும் புகழ்கின்றனர்.

எவ்விதமான நாமரூபத்தையும், ஒருபோதும் தனது என்று கருதாமல், ஒன்றும் இல்லாதநிலைக்கு வருந்தாமல் இருப்பவனே பிக்கு எனப் படுவான்.

(எல்லோடனும்) அன்புடன் பழகி, புத்தருடையதருமத்தில் இன்புற்று வாழும் பிக்கு, வாழ்வின்துயரம் நீங்கி, சாந்தி நிலையமான நிருவாணஇன்பத்தை அடைவான்.

ஓ பிக்கு! இந்த ஓடத்தைக் காலியாக்கு; பாரம்குறைந்தால் இது இலகுவாக ஓடும். விருப்பையும்வெறுப்பையும் சேதித்துவிட்டால், நீ விடுதலைப்பேற்றை அடைவாய்.

ஐந்தை வெட்டித் தள்ளவும்; ஐந்தைக்கைவிடவும்;ஐந்தில் தேர்ந்து மேலே உயரவும். ஐந்து தளை களிலிருந்தும் தப்பிய பிக்கு 'ஓகதிண்ணா'-'வெள்ளத்தைக் கடந்தவன்'- என்றும் சொல்லப் படுகிறான்¹.

ஓ பிக்கு! தியானம் செய்வாயாக, அசிரத்தையாக இருக்கவேண்டாம். உனது சிந்தனை பலன்களின் இன்பங்களில் திளைத்திருக்க வேண்டாம். அசிரத்தையினால், பழுக்கக்காய்ந்த இரும்பு உருண்டைகளை விழுங்க நேராமலும், அவைசுடும்போது 'இது துக்கம்' என்று கதறாமலும் இருக்க வழி செய்து கொள்ளவும்.