டாக்டர் :

ஏன் சொல்லுகிறேன் என்றால், இவ்விருவர் நெற்றியிலுமுள்ளகுறியானது தோலைப் பற்றியதாயில்லை. இன்னும் உள்ளேயிருந்து, அது தொடங்குகிறது? எலும்பைப் பற்றியதாயுமில்லை. இன்னும் உட்புறமிருந்து தொடங்குகிறது! ஊன்றிக் கவனித்தால், இக்குறிகளுக்கும் உள்ளிருக்கும் மூளைக்கும் சம்பந்தமிருக்கிறது!

(சுயமரியாதைக்காரரின் சிரிப்பு)

டாக்டர் :

சொல்லுவதென்ன, நாளைக்கு உண்டாய் விடும்?

ஆஸ்திகர் :

(வெறும் நெற்றியுடனிருந்த இன்னொருவரைக் காட்டி) இவருக்குப் பல வருடங்ளாக நெற்றிக்குறிகள் இல்லை!

டாக்டர் :

இருக்கலாம். அவருக்கு மூளை ஒழுங்கான நிலையடைந்து விட்டது!

ஆஸ்திகர் :

(உடனே அதே மனிதர் நெற்றியில் ஒரு பெரிய நாமத்தைப் போட்டுக் காட்டி) டாக்டரே ஒழுங்குபட்ட மூளையுடையவருக்கு, இதோ குறி ஏற்பட்டு விட்டது. இப்போதாவது மூளைக்கும் குறிக்கும் சம்பந்தமில்லை என்று ஒத்துக் கொள்கிறீரா?

டாக்டர் :

அதெப்படி? மூளையில் சிறிது முளையிருந்திருக்கும் நாமம் முளைத்து விட்டது.

(சுயமரியாதைக்காரர்களின் சந்தோஷ ஆரவாரம்)