| | 3-பெயர்ப்பொருத்தம். | |
| 144 | எண்வகைப் பெயரு நண்ணுதல் செப்பிற்
குலங்குடி கோத்திர நலம்பெறு குணமே
மனமே யாணை மன்னிய சிறப்பே
யியற்பெய ரென்றிவை தம்மு ளியன்ற
சிறப்பியற் பெயரெனு மிருதிறத் திற்கு
1மயக்கற மொழிமுத லெடுக்குஞ் சொல்லுடன்
பொருத்தங் கொள்வர் கருத்துணர்ந் தோரே. | (1) |
| | | |
| 145 | பார்ப்பா ரரசர் வணிகர்வே ளாளரெனப்
பாற்படு நாற்பெயர் குலப்பெய ராகும். | (2) |
| | | |
| 146 | குடிப்பெய 2ராவன கூறுங் காலைச்
சேரன் சோழன் பாண்டிய னென்றிவை
போல்வன பிறவும் பொருத்தங் கொளலே. | (3) |
| | | |
| 147 | கோத்திரப் பெயரே கூறுங் காலைத்
தாதைகுடிப் பெயரைத் தக்கவற் றியற்றல். | (4) |
| | | |
| 148 | குணப்பெய ரேனப் புலவோர் கொடுப்பத்
தணப்பில வாகித் தழுவும் பெயரே. | (5) |
| | | |
| 149 | மனப்பெய ராவன தனக்குத் தானே
யெனக்கிது வேண்டுமென் றெய்தும் பெயரே. | (6) |
| | | |
| | [இஃ திராசாக்க ணாய னடியார் தோழன்.] | |
| | | |
| 150 | ஆணைப் பெயரே வலியோ ரஞ்சப்
பேணி யுலகம் பேசும் பெயரே. | (7) |
| | | |
| 151 | சிறப்புப் பெயரே தெரியுங் காலைச்
சிறப்புடை வேந்தன் கொடுக்கும் பெயரே. | (8) |
| | | |
| 152 | சாதியி லுள்ளோர் தமக்குத் தாமே
நீதிகொள் 3சிறப்பியற் பெயர்கொளற் குரியர். | (9) |
| | | |
| 153 | முடியுடை வேந்தன்முற் குலத்தோர்க் கல்லது
பட்டமும் பூவும் பூணு மாழியு
நட்டமி னலமலி சிறப்புப் பெயருங்
கொடாஅ னெனமொழிப குலமொழிப் புலவர். | (10) |