சிங்கன் கொச்சகக் கலிப்பா.
___

     பரிக்குலஞ்சூழ் சேனையினான் பார்மே லுயர்கீர்த்தி
     விரித்தசர போஜிமன் னன்மேவுதஞ்சை தன்னிடைநான்
     வரித்தடங்கண் சிங்கி மணிமார் பிடத்திற் கொண்டுதினம்
     தரிக்குமொரு பூணாகிற் றனத்தை விட்டுப் பிரியேனே

___
உடன் சிங்கன் விருத்தம்.
___

     நாடு புரக்குமெங்கள் சரபோஜி நரேந்திரன்றன்
     நீடுபுகழ்த் தஞ்சை நெடுநகரிற் சிங்கிதனைத்
     தேடி யலைவேனோ செப்புமவ ளேந்துகுறக்
     கூடைவடி வாயிருந்தாற் கூடவே வருவேனே

___
குறத்தி காணாததினால் குறவன் வருந்திப் புலம்பல்.
___

 ராகம் - கன்னடம்]          பல்லவி.          [தாளம் - திச்ரம்

            

             வஞ்சியைக் காணேனே ஐயேகுற
             வஞ்சியைக் காணேனே

அனுபல்லவி.

         மஞ்சுலவுஞ் சோலைகளும் வான்மதிலுஞ் சூழுமுயர்
         தஞ்சைநகர் வாழுமெங்கள் சரபோஜி மன்னர் நாட்டில்
         சட்டெனவே ளிட்டகல கத்திலென்னை விட்டகன்ற    (வஞ்சியை)