1 ஸ்ரீ ஸ்ரீராமஜெயம் இராம நாடகம் வழிபடு கடவுள் வணக்கம். விநாயகர் தோத்திரம் நேரிசை வெண்பா ஆனை முகனே அரனார் திருமகனே
சேனையர்கோ னாகவலஞ் செய்வோனே - ஞானமே
நாடகத்தைக் கொண்டஉன்றன் நல்லருளா லேராம
நாடகத்தைச் சொல்லுவேன் நான்.
தரு சௌராஷ்டிர ராகம் ஆதிதாளம் பல்லவி விநாயக சரணம் - ஜெயஜெய
விநாயக சரணம் (விநா) அனுபல்லவி அநாத ரட்சகனே - கெஜமுகனே
ஐங்கரனே - சிவ சங்கரன்மகனே (விநா) சரணங்கள் 1. அன்பிலாத பேயேன் - என்னுடைய
அறிவு விளங்கவே துணைவரு வாயே
என்குலதெய்வம் நீயே - இந்த
ராமநாடகத்துக்குக்கனுக்கிரகிப் பாயே (விநா)
2. வானவர்பணி வோனே - நல்ல
வாக்குத்தந்து காத்தருள்சீ மானே
நானுனதடி யேனே - ராம
நாடகத்துக் கருள்புரிநீ தானே (விநா)
3. உண்மை ஞானம் தோணும் - உன்றன்
உதவியாலே நல்ல புத்திகள் பூணும்
|