173 சூர்ப்பநகை ஸ்ரீராமருக்கு மீளவும் இதவுரைத்தல் விருத்தம்-11 பேய்வடிவாம் அரக்கியிந்தப் படிஅழுதாள் ராமனிடம்
பின்னும் வந்தாள்
தேவநீ அறியாதே இளையவன் இப்படி செய்தான்
செய்தால் என்ன
கோவமுள்ள இடத்தில் அல்லோ சந்தோஷம் உண்டென்னைக்
கூட்டிக் கொண்டால்
ஆவதுமெத் தவும்உண்டு கேள் என்பாள் மருவிஎன்னை
ஆள்என் பாளே தரு-5 மோகனராகம் அடதாள சாப்பு பல்லவி என்னுருவில் கொஞ்சம் கொய்தீர்-எனக்
கென்ன தாழ்ச்சிநீர் செய்தீர் (என்) அநுபல்லவி அன்னியள் ஆகஎன்னைப் பிரிய விடாமல் என்
அழகுகண் டொருவர்கண் ஏறுபடாமல் (என்) சரணங்கள் 1. நடுப்படையில் போனாலும் வடுப்படாமல் உம்மை
நானே சுமந்து கொண் டெட்டவோ-ஆரும்
திடுக்கிடவே உம்மை எதிர்த்தபேர் தலைகளைத்
திருகி மலைமலையாக் கொட்டவோ-நல்ல
குடித்தனத்துக்கிவள் ஆகும் ஆகாதென்று
குறிப்பதின்னம் முட்ட முட்டவோ-கேட்டால்
இடுப்பு சீதைக்குக் கொஞ்சம் மூக்கிவளுக்குக் கொஞ்சம்
என்றெவர்க்கும் சரிக் கட்டவோ-எண்ணி(என்)
2. குற்றம் போலே செய்து குணம் செய்தீர் என்னைக்கொட்டிக்
கொள்ளும் காமப் பேயைக் கொல்லவோ-நல்ல
பத்தினியாகநின்றிராமல் காய்கனிகளைப்
பறித்துக் கொண்டுவரச் சொல்லவோ-உமது
|