183 மாரீசன் ராவணனை இடித்தல் விருத்தம்-16 கடுத்த தங்கை இதுசொல்லச் சீதைமேலே
கருத்தாடக் காமப்பேய் தலைசுற்றாட
உடுப்பதுவும் உண்பதுவும் மறந்தான் சிந்தை
உரைமெழு கானான் அரக்கன் அம்மானேநீ
அடுத்தெனக்கு ராமன்மனை வியைத்தா என்றான்
அது கேட்டவுடனே நாராசம் காய்ச்சி
நடுச்செவியில் வைத்தாற்போ லேமாரீசன்
நடுக்கின்றான் ராவணனைத் தடுக்கின்றானே தரு-9 துசாவந்தி ராகம் ஆதிதாளம் பல்லவி என்ன புத்தி நினைத்தாயாடா அடாராவணா
என்ன புத்தி நினைத்தாயடா (என்) அநுபல்லவி பின்னொருத்தி அல்லராமன் மன்னவன் தேவியைச் சொல்ல
அன்னவன் அம்பிங்கேசெல்ல உன் இனத்தையெல்லாம் கொல்ல(எ) சரணங்கள் 1. கள்ளிப் பொறிவர லாலே-மூங்கில் எரிந்து
வெள்ளிச் சாம்பலானாற் போலே
கொள்ளியாய் வந்தாள்உன் தங்கை அள்ளிராமனை இங்கே
தள்ளிவிடும் முன்னேதலை துள்ளிவிடுமேநமக்கு (என்)
2. இந்தமதி பண்ணல் ஆமோ-மூங்கில் எரிந்து
சிந்தையிலும் எண்ணல் ஆமோ
முந்தொருத்தி ஆசையிட்டான் சந்திரனும்பழிபட்டான்
வந்தகலிகையைத் தொட்டான் இந்திரனும் மகிமை கெட்டான்(என்)
3. உத்தம சீதையை உன்னாதே-உன்னினால் அவன்
சற்றிலே விடுவான் என்னாதே
புத்திரர் தலையும் சேர்ந்த மித்திரர் தலையும் ராம
பத்திரர் அம்புகொய்யும் கொய்யும் சித்திரவதை செய்யும் செய்யும்(என்)
|