217

வளைந்த காலத்தில் வளைந்ததுஅவ் இராமன் கைவரிவில்
விளைந்த போரையும் ஆவதும் விளம்புதும் விசையால்
புளைந்த பாய்பரி புரண்டன புகர் முகப்பூட்கை
உளைந்த மால்வரை உரும்இடிபட ஒடிந்தென்ன

சூலம் அற்றன அற்றன சுடர்மழு தொகைவாள்
மூலம் அற்றன அற்றன முரண்தண்டு பிண்டி
பாலம் அற்றன அற்றன பகழிவெம் பகுவாய்
வேலும் அற்றன அற்றன வில்லொடு பல்லம்

தொடிதுணிந்தன தோளொடு தோமரம் துணிந்த
அடி துணிந்தன கடகளிறு அச்சொடு நெடுந்தேர்
கொடிதுணிந்தன குரகதம் துணிந்தன குலமா
முடிதுணிந்தன துணிந்தன முளையொடு முசலம்

ஒன்றுபத்து நூறாயிரம் கோடி என்றுணரா
துன்றுபத்திய இராகவன் சுடுசரம் துரப்ப
சென்று பத்திரத் தலையின் மலைதிரண்டென்ன
கொன்று பத்தியிற் குவித்தன பிணப்பெருங்குன்றம்

கைகள் வாளொடு களம்பட கழுத்தறக் கவச
மெய்கள் போழ்பட தாள்விழ வெருவிட நிருதர்
செய்ய மாத்தலை சிந்திட திசையுறச் சென்ற
தையலார் நெடுவிழியெனக் கொடியன சரங்கள்

மாரிஆக்கிய வடிக்கணை வரைபுரை நிருதர்
பேரியாக்கையின் பெருங்கரைவயின் தோறும் பிறங்க
ஏரியாக்கின ஆறுகள் இயற்றின நிறையச்
சோரியாக்கின போக்கின வனம்எனும் தொன்மை

அலைமிதந்தன குருதியின் பெருங்கடல் அரக்கர்
தலைமிதந்தன நெடுந்தடி மிதந்தன தடக்கைம்
மலைமிதந்தன வாம்பரி மிதந்தன வயப்போர்ச்
சிலைமிதந்தன மிதந்தன கொடியோடு தேர்கள்

சொரிந்தபல் படை துணிபடத்துணிபட சரத்தால்
அரிந்து போந்தன சிந்திட திசைதிசை அகற்றி
தெரிந்து பார்மகள் நெளிவுற வனம்முற்றும் நிறைய
விரிந்த செம்மயிர்க் கருந்தலை மலை எனவீழ்ந்தான்