218

கவந்த பந்தங்கள் களித்தன குளித்த கைம்மலைகள்
சிவந்து பாய்ந்த வெங்குருதியில் திருகிய சினத்தால்
நிவந்த வெந்தொழில் நிருதர்தம் நெடுநிணம் தெவிட்டி
உவந்த வன்கழுது உயிர்சுமந் துளுக்கியது உம்பர்

மருள்தரும் களிவஞ்சனை வளைஎயிற்றரக்கர்
கருடன் அஞ்சுறு கண்மணி கரகமும் கவர்ந்த
இருள்தரும் புறத்து இழுதையர் பழுதுதறற்கு எளிதே
அருந்தரும் திறத்து அறனன்றி வலியதுண்டாமோ

எறிந்தார்என எய்தார்என நினைந்தார் எனஎறிய
அறிந்தார் என அறியாவகை அயில்வஈளியின் அறுத்தான்
செறிந்தாரையும் பிரிந்தாரையும் செறுத்தாரையும் சினத்தால்
மறிந்தாரையும் வலித்தாரையும் மடித்தான் சிலைபிடித்தான்

வானத்தன கடலின்புற வலயத்தன மதிசூழ்
மீனத்தன மிளிர்குண்டல வதனத்தன மிடல்வெங்
கானத்தன மலையத்தன திசைசுற்றிய கரியின்
தானத்தன காகுத்தன சரம்உந்திய சிரமே

ஈரல்செறி கமலத்தன இரதத்திரள் புளினம்
வீரக்கரி முதலைக்குலம் விடுபாய்பரி குரம்பாப்
பாரக்குடர் மிடைபாசடை படர்கின்றன பலவா
மூரித்திரை உதிரக்குளம் முழுகிக் கழுதெழுமே

அழைத்தார்சிலர் அயர்ந்தார்சிலர் அழிந்தார் சிலர்கழிந்தார்
உழைத்தார்சிலர் உயிர்ததார்சிலர் உருண்டார்சிலர் புரண்டார்
குழைத்தாழ் திரைக்குருதிக் கடல்குளித்தார் சிலர் கொலைவாய்
மழைத்தாரைகள் படப்பாரிடை மடிந்தார்சிலர் உடைந்தார்

எய்தார்பலர் எறிந்தார்பலர் மழஓச்சினர் எழுவால்
பொய்தார்பலர் புடைத்தார்பலர் கிடைத்தார்பலர் பொருப்பால்
பெய்தார்மழை பிதிர்த்தார்எரி பிறைவாள் எயிற்றரக்கர்
வைதார்பலர் தெழித்தார்பலர் மலையாம்என வளைத்தார்

தலைசிந்தின விழிசிந்தின தழல்சிந்தின தரைமேல்
மலைசிந்தின படிசிந்தின வரிசிந்துரம் மழைபோல்
சிலைசிந்தின கணைசிந்தின திசைசிந்தின திசையூடு
உலைசிந்தின பொறிசிந்தின உயிர்சிந்தின உடலம்