30 சிறைக்கருடன் மீதினில்அச் சுதனும் வந்தான்
பொன்னின்மலர் அவன்பதத்தில் இறைத்தே கண்ணீர்
பொழிகின்றார் அரக்கர்துன்பம் மொழிகின் றாரே தரு-3 அசாவேரி ராகம் ஆதிதாளம் பல்லவி கடைக்கண்ணால் இரங்கிப் பார்அய்யா-பார்த்துக்
காவாவிட்டால் இனிமேல் ஆர்அய்யா (கடை) அநுபல்லவி அடைக்கலம் எனஓடி வந்தோமே-நாங்கள்
ஆலைக் கரும்புபோல நைந்தோமே (கடை) சரணங்கள் 1. சொர்க்காதி புவனமெல்லாம் தாவிக்-கொண்டு
துரத்தக் கும்பகர்ணன்தனை ஏவி-மற்ற
பக்கம் இந்திர சித்தென்னும் பெருங் கோவி-ஆளப்
பண்ணிவைத்தானே ராவணன் பாவி
செக்குள்ளே அகப்பட்ட எள்ளுப் போலே-அரக்கர்
கைக்குள்ளே அகப்பட்ட எங்கள் மேலே-உனது (கடை)
2. அளகேசன் புஷ்பகம் தனைவிட்டான்-இலங்
கையிலே சூரியன்தேரும் வரவொட்டான்-மெத்தத்
தளர இந்திரனைக்கூடச் சிறையிட்டான்-அரக்கன்
சருவகொள்ளை யடிக்கத் தலைப்பட்டான்
எளியோர்களை இப்படிஈனர் ஒடுக்கல் ஆமோ
கிளியை வளர்த்துப் பூனைகிட்டக் கொடுக்கல்ஆமோ (கடை) 3. பாவிஅரக்கன் பேச்சே மேலாச்சு-நாங்கள்
படைத்த பலங்கள்எல்லாம் மேல்பூச்சு-நல்ல
பூவைவண்ணா அரக்கன் கைவீச்சு-வெள்ளிப்
பொருப்பே அறியும்இனி ஏன் பேச்சு
ராவணன் வதைக்கின் றான்எங்கள்மேல் என்னகண்டோ
தேவநீ கேளாவிட்டால் திக்குத்திசை இன்னமுண்டோ (கடை)
|