324 அநுபல்லவி அடித்தானே அருங்காய் கனிகளை
ஒடித்தானே அரை நொடிக்குள் விசுவரூபம்
பிடித்தானே அந்த ராவணன் கீர்த்தியை
குடித்தானே கைகையக் கொட்டி தொடைதட்டிக் கொண்டு (அடி) சரணங்கள் 1. ஆடச்சேயும் அசையச்சேயும்
அறுந்தன சிலமரங்கள்-கைகளை
மூடச்சேயும் முறுக்கச்சேயும்
முறிந்தன சிலமரங்கள்-வேர்பிடுங்கிச்
சாடச்சேயும் தாவச்சேயும்
தறிந்தன சிலமரங்கள்-கொண்டாட்டம்
பாடச்சேயும் பாயச்சேயும்
பறிந்தன சிலமரங்கள்-வெகுவெகு
கோடானு கோடிகளாக் கொம்பும் கொடியுமாகக்
குறைந்தான் சிலமரத்தை-பெருகிய
நீடாழி முகட்டிலே அணைபோலே கிடக்க
நிறைத்தான் சிலமரத்தை-தேவர்கள்
வாடாமல் ராட்சதர்கள் பாராமல் வெளியெங்கும்
மறைத்தான் சிலமரத்தை-வாரிவாரி
ஏடாகூட மாலங்கைத் தெருக்கள் தெருக்கள் எல்லாம்
இறைத்தான் சிலமரத்தை-இப்படி
மேடென்றும் காடென்றும் தெரியாமல் முடிய
விசைகொண் டெறிந்தமரம் திசைதிசை-போய்ப்படிய
மாடங்களும் அரக்கர் கூடங்களும் இடிய
மதிகள் இலங்கை வீடெல்லாம் சிதறிப் பொடி - பொடிய (அடி)
2. அடிக்கடிமரம் ஒடிக்கும் ஓசையில்
அண்டமும் வயிறுளைக்க-அதுகண்டு
எடுத்தராட்சதப் பெரும்படைக்கடல்
எங்கெங்கும் ஓடிவளைக்க-சினமுடன்
கடுத்தரதகச துரகபதாதிகளை
காலனும் கண்டுகளைக்கத்-திசைதிசை
|