328

     கரம் அற்ற பேர்களும் சிரம் அற்ற பேர்களும்
     கதியற்ற பேர்களும்    ஆகியே விழ

அறைவன்ஓர் அறைக்குளேபல கோடிவீரர்கள் வீரர்மேல்விழ
எறிவான் ஓர்எறிக்குளேபல கோடிதேருதேரின் வீரர்மேல்விழ

     அதிரதர் மகரதர்     சமரதர் சிதறிட
     அதலகுதல மொடு    சேனைகள் மாளத்

தெரிந்தானே அட்சதன்ஊதிய செம்புபோலவே ரண்டுகண்களும்
எரிந்தானே அக்கணமேசெல அம்புமாரி பிரசண்டமாகவே

     தெரித்தனுமனுமடல்    இருக்கும் மயிர்முனை
     முறுக்கில் மறையவும்   அந்தமாருதி

தலைமேலும் தோளிலும் மார்பிலும் முகத்திலும் கொலுவிருக்கும்தோரண
நிலைமேலும் தாளிலும் வாளிகள் தொடுக்கவும் குலைகுலைந்து ராகவ

     சரணம் அதைமனதில்  ஒருமையொடுகருதி
     விறுவிறென விசையில்  ஓடிவந்தெதிர்

அடுத்தானே அட்சதன் ஏறிய ஆயிரம்பரிரதத்தை ஓர்கையில்
எடுத்தானே விட்டெறி போதினிலே இறங்கிமுன் எதிர்க்கவேபிறகு

     அவனை இவன் அறைய    இவனை அவன் அறைய
     அவனி டுகவசமும்         வில்லும் வாளியும்

ஒடித்தானே பல்லொடு குண்டலம் உதிர்ந்திடச் செவிகலங்க ஓரடி
அடித்தானே கையினில் அங்கவன் நெடுங்கழுத்தினை மடங்க மாருதி

     உதறவருபடைகள்     கதறநிருதன்முது
     குரைபட உரைபட     ராசவீதியில்

நிலத்தோடே தேய அரைத்துக் கரைக்க அட்சதன் மாயவே சிலர்
தலத்தோடே ரூபம் மறைத்துப் பசுக்களாம்என மேய்குவார் சிலர்

     நிணத்திலே சிலர்     பிணத்திலே சிலர்
     நெளித்தபேர்சிலர்     ஒளித்த பேர்சிலர்

வண்டாகி மறைந்தபேர் சிலர் மான்களென வெளிப்பாய்ந்த பேர்சிலர்
மண்டோதரி முன்பினிலேஅடி சாய்ந்தமர மென வீழ்ந்த பேர்சிலர்

     மலைந்த போரினில்   ஒழிந்த தூதுவர்
     இலங்கை நாதன்முன்   வீழ்ந்த பேர்சிலர்