380

வேரொடு மறிந்தசில வெந்தசில விண்ணில்
காரொடு செறிந்தசில காலினொடு வேலைத்
தூரொடு பறிந்தசில தும்பியொடு வானோர்
ஊரொடு மலைந்தசில உக்கசில நெக்க

அலைந்தன கடல்திரை அரக்கர் அகல் மாடம்
குலைந்துக இடிந்தன குலக்கிரி ளோடு
மலைந்துபொடி யுற்றன மயங்கி நெடுவானத்து
உலைந்துவிழும் மீனினொடு வெண்மலர் உதிர்ந்த

புள்ளினொடு வண்டும் ஞிமிறும் கடிகொள்பூவும்
கள்ளும் முகையும் தளிர்களோடு இனியகாயும்
வெள்ளநெடு வேலையிடை மீனம்என விழுங்கித்
துள்ளின மரன்பட நெரிந்தன துடித்த

வேனில்விளை யாடுசுடரோனின் ஓளிவிம்மும்
வானினிடை வீசிய இரும்பணை மரத்தால்
தானவர்கள் மாளிகை தகர்ந்து பொடியாய
வானஇடியால் ஒடியும் மால்வரைகள் மான

வேங்கை செற்று மராமரம் வேர்பறித்து
ஓங்கு கற்பகம் பூவொடு ஒடிந்துராய்
பாங்கர் சண்பகப்பத்தி பறித்து அயல்
மாங்கனிப் பணைமட்டித்து மாற்றியே

சந்தனங்கள் தகர்ந்தன தாள்பட
இந்தனங்களின் வெந்தெரி சிந்திட
முந்தனகன் வசந்தன் முகங்கெட
நந்தனங்கள் கலங்கி நடுங்கவே

காமரம் களிவண்டு கலங்கிட
மாமரங்கள் மடிந்தன மண்ணொடு
தாம் அரங்க அரங்கு தகர்ந்துக
பூமரங்கள் எரிந்து பொரிந்தவே

ஆனைத் தானமும் ஆடல் அரங்கமும்
பானத் தானமும் பாய்பரிப் பந்தியும்