397 அகருவும் நறுஞ்சாந்தமும் முதலிய அனேகம்
புகரில் நல்மரத்து உறுவெறி உலகெலாம் போர்ப்பப்
பகரும் ஊழியில் கால வெங்கடுங் கனல்பருகும்
மகர வேலையின் வெந்தன நந்தன வனங்கள்
கரிந்து சிந்திடக் கடுங்கனல் தொடர்ந்து உடல்கதுவ
உரிந்த மெய்யினர் ஓடினர் நீரிடை ஒளிப்பார்
விரிந்த கூந்தலும் குஞ்சியும் மிடைதலின் தானும்
எரிந்து வேகின்றது ஒத்தது எறிதிரைப் பரவை
மருங்கின்மேல் ஒருமகவு கொண்டு ஒருதனிமகவை
அருங்கையாற் பற்றி மற்றொருமகவு பின்அரற்ற
நெருங்கி நீண்டிடு நெறிகுழல் சுறுக்கொள நீங்கிக்
கருங்கடல் தலைவீழ்ந்தனர் அரக்கியர் கதறி
வில்லும் வேலும் வெம்குந்தமும் முதலிய விறகாய்
எல்லுடைச் சுடர்எனப் புகர் எஃகெலாம் உருகித்
தொல்லை நன்னிலை தொடர்ந்த பேருணர் வன்ன தொழிலால்
சில்லி உண்டையின் திரண்டன படைக்கலத் திரள்கள்
நீரைவற்றிடப் பருகி மாநெடுநிலந் தடவித்
தாருவைச் சுட்டு மலைகளைத்தழல் செய்து தனிமா
மேருவைப்பற்றி எறிகின்ற காலவெங் கனல்போல்
ஊரை முற்றுவித்து இராவணன் மனைபுக்கது உயர்தீ
சூழும்வெஞ்சுடர் தொடர்ந்திட யாவரும் தொடரா
ஆழிவெஞ்சினத்து ஆண்தொழில் இராவணன் மனையில்
ஊழிவெங் கனல்உண்டிட உலகமென்றுயர்ந்த
ஏழும் வெந்தென எரிந்தன நெடுநிலை ஏழும்
அனைய காலையில் அரக்கனும் அரிவையர் குழுவும்
புனைமணிப்பொலி புட்பக விமானத்துப் போனார்
நினையும் மாத்திரை யாவரும் நீங்கினர் நினையும்
வினையிலா மையின் வெந்ததவ் விலங்கல் மேல் இலங்கை
(இலங்கை எரியூட்டுபடலம் 1, 2, 5, 8, 10, 11, 16-19, 21, 23,
27,28, 29, 32, 35, 37)
|