560 மனுக்குரதம் அனுப்பும் தேவர்களையும்மக
வானையும் கடு கடுத்து-லட்சுமணனை
மடித்துவரு வேனென்று வீரம் பேசிக்கையில்
வலியதனுவை எடுத்து-அதிககடுஞ்
சினத்தி னோடுபெரும் தேரை ஓட்டிக்கொண்டு
சேனைகளை எல்லாம்தன் பின்னே கூட்டிக்கொண்டு
கனத்த வில்லை வளைத்து நாணைப் பூட்டிக்கொண்டு
கணைகள் எய்து ராமன்கையில் மாட்டிக்கொண்டு (மடிந்)
2. போர்களத்தினில் வந்து அட்டகா சஞ்செய்து
புவியெங்கும் கிடுகி டென்ன-லட்சுமணன்மீதில்
போகவிட்டிடுந் தேரை மறித்து ராமன்மீதிற்
போகட்டும் விடுவி டென்ன-சாரதிஇந்தப்
பார்க்குள் ராமனைவெல்லக் கூடாதென்று சொல்ல
பற்களை நெடநெ டென்ன-வேகடித்து
பாரடா உன்னை விழுங்குவேன் என்ன சாரதி
பயந்துடல் விடுவி டென்ன-நடுநடுங்கி
கார்க்கடல் வண்ணன்ரா மன்மீதில் தேர்விட
கலங்காமலே மகோ தரன்நின்று போரிட
ஆர்க்கும் சேனைராமன் அம்பினாற் பேர்கெட
அதமாக அவன்மார்பில் ஓரம்பின் கூர்பட (மடிந்)
மாலியவான் சொல்லால் சீதையை விடவே, சம்
மதித்த ராவணனை அன்று-தடுக்கப்பெரு
வயிற்றைச் சாய்த்துக்கொண்டு குடுகுடென்றேஓடி
வஞ்சனை எண்ணி நின்று-அதிகபல
சாலியானரா வணனே மூவுலகமும்
சௌரியத் துடனே வென்று-இன்றுமனம்
தளர்ந்திந்த சனகியை விடலாமோ போபோஉன்
தனக்கிது சரியோ என்று-சொல்லியசொல்லும்
காலனைப்போலவன் பாலிலே இருந்து
கழுவாக்கரைத்து நாளும் கலகம் செய்துதிரிந்து
சீலராமன் கணைக்குத் தன்சேனையை விருந்து
செய்வித்தோர் கணையால்தான் பெருவயிறும் சரிந்து (மடிந்)
|