632

மஞ்சினில் திகழ்தரு மலையை மாக்குரங்கு
எஞ்சுறக் கடித்தெடுத் தெறியவே நளன்
விஞ்சையில் தாங்கினன் சடையன் வெண்ணெயில்
தஞ்சம் என்றோர் களைத்தாங்கும் தன்மைபோல்

வேரொடும் நெடுங்கிரி தலைவர் வீசின
ஓரிடத் தொன்றின்மேல் ஒன்று சென்றுற
நீரிடை நிமிர்போறி பிறக்க நீண்டஈது
ஆருடை நெருப்புஎன வருணன் அஞ்சினான்

சிந்துரத் தடவரை எறியச் சேணிடை
முந்துறத் தெறித்தெழு முத்தம் தொத்தலால்
அந்தரத் தெழுமுகில் ஆடையா அதன்
பந்தர் ஒத்தது நெடும் பருதி வானமே

நீலனிட்ட நெடுவரை நீந்நில
மூலம் முட்டலின் மொய்புனல் கைம்மிக
கூலம் இட்டிய ஆர்கலி கோத்தலால்
ஓலமிட் டெழுந்து ஓடி உலகெலாம்

குமுதன் இட்ட குலவரை கூத்தரின்
திமிதம் இட்டுத் திரியும் திரைக்கடல்
துமிதம் ஆர்புக வானவர் துள்ளினார்
அமுதம் இன்னும் எழுவெனும் ஆசையால்

ஆர ஆயிர யோசனை ஆழமும்
தீர நீண்டு பரந்த திமிங்கிலம்
பார மால்வரை ஏறப் பதைத்துடல்
பேரவே குன்றும் வேலையுல் பேர்ந்தவால்

உற்றதால் அணைஓங்கல் இலங்கையை
முற்றமூன்று பகலிடை முற்றலும்
பெற்ற ஆர்பு விசும்பு பிளந்ததால்
மற்றிவ் வானம் பிறிதொரு வான்கொலோ

நாடுகின்ற தென்வேறொன்று நாயகன்
தோடு சேர்குழலாள் துயர் நீக்குவான்