635

தார்உலாம் பணிமார்ப நின்தம்பியே
தேர்உலாவு கதிரும் திருந்துதன்
பேர்உலாவும் அளவினும் பெற்றனன்
நீர்உலாவும் இலங்கை நெடுந்திரு

சேதுபந்தனம் செய்தனன் என்றதிப்
போதுவந்த புதுவலியோ ஒரு
தூது வந்தவன் தோள்வலி சொல்லிய
ஏதுஅந்தம் இலாதிருக்கவே

சரங்கள் இங்கிவற்றால் பண்டுதானுடை
வரங்கள் சிந்துவென் என்றனன் மற்றெமைக்
குரங்கலாமை தெரிந்தும் அக்கொற்றவன்
இரங்க உய்ந்தனம் ஈதெங்கள் ஒற்றென்றார்

மதிநெறி அறிவுசான்ற மாலியவான் நல்வாய்மை
பொதுநெறி நிலைய தாகப்புணர்த்துதல் புலமைத்தென்னா
விதிநெறி நிலையதாக விளம்புகின்றோரும் மீண்டு
செதுநெறி நிலையினாரே என்பது தெரியச்செப்பும்

பூசற்கு முயன்று நம்பால் பொருதிரைப் புணரிவேலித்
தேசத்திறைவனான தெசரதன் சிறுவனாக
மாசற்ற சோதிவெள்ளத்து உச்சியின் வரம்பில் தோன்றும்
ஈசற்கும் ஈசன் வந்தான் என்பதோர் வார்த்தையிட்டார்

அன்னவற்கிளவல் தன்னை அருமறை பரம்என்றோதும்
நன்னிலை நின்றுதீர்ந்து நவையறு பொருள்கள் தோறும்
தென்னிலைப் பிரிந்தான் என்னப்பலவகை நின்றதூயோன்
இன்னணை என்னயாரும் இயம்புவர் ஏதுயாதோ

அவ்வவர்க் கமைந்த வில்லும் குலவரை அவற்றின் ஆன்ற
வெவ்வலி வேறுவாங்கி விரிஞ்சனே விதித்தமேல்நாள்
செவ்வழி நாணும் சேடன், தெரிகணை ஆகச்சேர்த்திக்
கவ்வுஅயில் காலநேமிக் கணக்கையும் கடந்ததென்பார்

வாலிமாமகன் வந்தானை வானவர்க் கிறைவன் என்றார்
நீலனை உலகம் உண்ணும் நெருப்பினுக் கரசன்என்றார்