77 ஸ்ரீ ஸ்ரீராமஜெயம் இரண்டாவது அயோத்தியா காண்டம் சக்கிரவர்த்தி முடிசூட ஸ்ரீராமரை வேண்டுதல் விருத்தம்-1 வனிதைமணிச் சீதையுடன் அயோத்திமேவி
மணவாள ராமன்என இருந்த நாளில்
கனிவுபெறப் பரதனைசத் துருக்கனனோடே
கைகயன்பால் விடுத்துசின்னாள் கழிந்தபின்பு
இனியதச ரதன்வதிஷ்டன் மந்திரி மாரும்
இசைந்தபடித் துறந்திட ராகவனைக் கூவித்
தனிமகுடம் புனையெனவே அவனுக்கன்பாய்ச்
சாற்றுவான் தன்கவலை ஆற்றுவானே
தரு-1 மத்தியவாதி ராகம் ஆதிதாளம் பல்லவி இந்தமனுத்தர வேணும் மகனே - ராமா
இந்தமனுத்தர வேணும் மகனே (இந்த) அநுபல்லவி இந்த மனுத்தர வேணும் மகனே-ராமச்
சந்திர னேபுவிஆளத் தகும் நீஉத் தமனே (இந்த)
சரணங்கள் 1. அறுபதி னாயிர வருஷ காலம்-வாழ்ந்தேன்
அதிலே காணாதெல்லாங் கண்டறிந்தேன் இந்திர சாலம்
பருவதமோ என் காயஸ் தூலம்-இனிப்
பார்க்கவே ணும்என்கண்ணாரநீ பாராளும் கோலம்(இந்த)
2. முடியாத மோகாந்த காரம்-இத்தை
முதுமையிலும் துறவாமல் இருந்தென்ன சாரம்
|