முகப்பு

பக்கம் எண் :

தொடக்கம்

குசேலோபாக்கியானம் 17                     சிறப்புப் பாயிரம்                அறுசீரடி ஆசிரிய விருத்தம்      மாமேவு மணிமார்பன் மலரடிகள்           மருவுதிரு மனத்தி னோன்பொற்      கோமேவு பொழிற்றிருவூர் அதிபதிசீர்க்           கருணீகர் குலவி சேடன்      பாமேவு பெருஞ்சீர்த்தி மிகுநாரா           யணவள்ளல் பயந்த மைந்தர்      தேமேவு மலர்மாலைக் கோவிந்த           முகில்சீனி வாசச் செம்மல்.    (சொ - ள்.) மா மே வு மணிமார்பன் மலர் அடிகள் மருவு திரு மனத்தினோன் - திருமகள் வாழ்கின்ற அழகிய திரு மார்பை உடையவனாகிய திருமாலின் தாமரை மலர் போன்ற திருவடிகள் தங்கியிருக்கின்ற சிறந்த மனத்தை உடையவனும் ; பொன்கோமேவு பொழில் திருவூர் அதிபதி - அழகிய வான் அளாவிய சோலைகளால் சூழப்பெற்ற வளமுடைய திருவூருக்குத் தலைவனும் ; சீர் கருணீகர் குலவிசேடன் - மேன்மையுள்ள கருணீகர் குலத்திலுதித்த மேலான தன்மையுடையவனும் ; பாமேவு பெறுசீர்த்தி மிகு நாராயண வள்ளல் - (ஆகிய) பாக்களிலமைந்த பெரும் புகழ் மிக்க நாராயண வள்ளலானவன்; பயந்த மைந்தர் - பெற்ற புதல்வர்கள் ; தேமேவு மலர்மாலை கோவிந்த முகில் சீநிவாச செம்மல் - தேன் நிறைந்த பூமாலை தரித்த கோவிந்தன் என்னும் மேகம் போலும் வள்ளலும், சீநிவாசன் என்னும் சிறந்தோனுமாவர்.    (வி - ம்.) சிறப்புப் பாயிரம் என்பது ஆக்கியோன் பெயர் முதலிய பதினொரு வகையையும் விளங்கக் கூறுவது : இக்கவியில் இக்கதையைப் பாடுமாறு கூறிய வள்ளல்கள் இருவர் பெயரும் கூறப்பட்டது. திருமாலின் தொண்டனும் திருவூரின் தலைவனும் ஆகிய நாராயண வள்ளல் பெற்ற மைந்தர் இருவர்; அவ்விருவரில் ஒருவன் பெயர் கோவிந்தன் மற்றொருவன் பெயர் சீனிவாசன். இவ்விருவருமே குசேலோபாக்கியானம் என்ற இந்நூலைப் பாடுவித்தோராவர் என அறிக: கருணீகர் குலத்திற் பிறந்தவர் இவர் கள் என்றும் தெரிந்துகொள்க. செம்மல்-சிறந்தோன். நாராயண வள்ளல், சீநிவாசச் செம்மல் என்பன இருபெயரொட்டு. (17)

முன் பக்கம்

மேல்

அடுத்த பக்கம்