:: TVU ::

கட

தஞ்சைவாணன் கோவை	234



(இ-ள்.) எவ்வுலகத்தையும் கவர்ந்து திகழ்ப்பட்ட புகழையுடைய வாணன் தென்மாறைநாட்டில் மான் தொகுதியினம் நாணப்பட்ட மெல்லிய நோக்கையுடையாள் மணங் காரணமாக நறும்புகையைப் புகைந்து நாட்கொண்ட அழகையுடைய மலரைத் தூவித் தெய்வத்தை வாழ்த்துஞ் சிறந்த முறைமையாகிய இவ்வல்லபம் இவட்குப் பொருந்தியது எப்படி என்றவாறு.
வித்தகம் - வல்லபம். பொருட்டு - காரணம். `மென்னோக்கி மணம்பொருட்டு` என இயையும். நவ்வி - மான். தொகையினம் - தொக்கவினம். நறை - நறும்புகை. செவ்வி - காலம். தகை - அழகு. தூய் - தூவி. திருத்தகவு - சிறந்த முறைமை.
(287)
`காதலன் முலைவிலை விடுதமை பாங்கி காதலிக்குணர்த்த`லும், `தலைவி மணம்பொருட்டாக அணங்கைப் பராநிலை காட்ட`லும், வரைவு முயல்வுணர்த்தல். `பாங்கி தமர்வரை வெதிர்ந்தமை தலை மகட்குணர்த்தல்` ஒன்றும் வரைவெதிர்வுணர்த்தல் `நற்றாயுள்ள மகிழ்ச்சி யுள்ள`லும், `உவகையாற்றா துளத்தொடு கிளத்த`லும், `தலைவனைப் பாங்கி வாழ்த்த`லும், வரைவறிந்து மகிழ்தல். `தலைமகளணங்கைப் பராநிலை கண்டோன் மகிழ்தல்` ஒன்றும் பராவல் கண்டுவத்தல் எனக்கொள்க.
வரைவுமலிவு முற்றிற்று. இத்துணையும் ஐம்பத்தொன்றாநாட் செய்தியென் றுணர்க.