(பொ-நி.) புகழ் நிலவில், கடல்கள் அடைய அரிதுயிலும்படி
விளங்கின, (எ-று.)
(வி-ம்.) அரி - திருமால். விளங்கின -பாற்கடல்போல் விளங்கின
என்க. கவின் -அழகு. கவினின் விளங்கின என்க. ஒரு கரு - ஒப்பற்ற
கருநிறமுள்ள. கலி - துன்பம். கழுவி உலவு; கழுவியதனால் உலவுகின்ற
என்க. புகழ் நிலவு: புகழாகிய நிலவு.
(38) இதுவும் அது | 270. | நிழலில டைந்தன திசைகள் | | | நெறியில டைந்தன மறைகள்
கழலில டைந்தனர் உதியர்
கடலில டைந்தனர் செழியர். |
(பொ-நி.) திசைகள் நிழலில் அடைந்தன; மறைகள் நெறியில்
அடைந்தன; உதியர் கழலில் அடைந்தனர்; செழியர் கடலில்
அடைந்தனர், (எ-று.)
(வி-ம்.) நிழல் - வெண்கொற்றக்குடையின் நிழல், திசைகள் -
எல்லாப் பக்கங்களும். கழல்-பாதம். உதியர்-சேரர். கடலில் அடைந்தனர்-
கடல் தீவுள் சென்று மறைந்து வாழ்ந்தனர். செழியர்-பாண்டியர்.
(39) இதுவும் அது | 271. | கருணையொ டுந்தன துபய | | | கரமுத வும் பொருள் மழையின்
அரணிய மந்திர வனல்கள்
அவையுத வும்பெரு மழையே. |
(பொ-நி.) தனது உபயகரம் உதவும் பொருள் மழையின்,
மந்திர அனல்கள் பெருமழை உதவும், (எ-று.)
(வி-ம்.) கருணையொடு - அருளோடு, இரக்கமுடன். தனது:
குலோத்துங்கனது. உபயம் - இரண்டு. கரம் - கை. பொருள் மழை-
பொருளாகிய மழை. மழையின் - மழையைப் போல, அரணி - தீக்கடை
கோல். அரணிய அனல், மந்திர அனல் எனத் தனித்தனி இயைக்க.
அரணிய மந்திர அனல் - வேள்வித்தீ. வேள்வியால் மழை வளம்
பெருகுமென்பது துணிவு.
(40) |