(வி-ம்.) சீர்சயம்   மிகுத்து  - குலோத்துங்கனுடைய   சிறப்பையும் வெற்றியையும்  மிகுத்து. மறைவலாளர்  -  அந்தணர்.  நாள்வயின் மறை
என   இயைக்க;  நாள்தோறும்  ஓதத்தக்க  மறை என்க.  இன்னமாகடல்-
இவ்வகையான  பெரிய  கடல்தான்.  இம்பர் - இவ்வுலகத்தார்,  உம்பர் -
விண்ணுலகத்தார். பரிசு-தன்மை.                              (53)

 ஏழிசை வல்லபி உடனிருந்தமை

     (பொ-நி.) இசையின்  மதுரவாரி  எனலாகும்  இசை மாது, ஏழிசை
வளர்க்க உரியாள் அரிது எனா உடன் இருந்துவர; (எ-று.)

     (வி-ம்.) சோழகுலசேகரன் - குலோத்துங்கன்.  இ்சையின் மதுரவாரி-
இசை இன்பக்கடல்.   இசைமாது:  ஏழிசை  வல்லபி  - அரிது  எனா -
பிரிந்திருத்தல் அரிதென்று.  ஏழுபார்  உலகு.  உலகின்கண்  உள்ள ஏழு
தீவுகளையும். அரிதெனா பிரியாது என இயைக்க. மூன்றாம் மனைவியாகிய
இவள் பிரியாது உடனிருந்தாள் என்க.                       (54)

தியாகவல்லி உடன் சென்றமை

     (பொ-நி.)  காவலர்கள்  தேவியர்கள்  பணிமாறி  சூழ்பிடி  (மேல்)
வர. தியாகவல்லி உடன் மல்கிவர; (எ-று.)

     (வி-ம்.)   பொன்னின்   மாலை   -   பொன்னாலான மாலை.
பணிமாறி  - தியாகவல்லிக்கு  அணிவித்துத்தொண்டு  பூண்டு.   பிடி -
பெண்யானை.  புவனி  - உலகம்.  பிடிவர:  ஏழாவதன் தொகை. சென்னி-குலோத்துங்கன்.  ஆணையை  -  தன்ஆணையையும்.    நிறைசெல்வி -
குறைவற்ற    செல்வத்தையுடையாள்.   தியாகவல்லியாகிய   சிறைசெல்வி என்க.  உடன் - குலோத்துங்கன் பக்கத்தே. மல்கல்-நெருங்கல்.                (55)