அரசரும் பெண்களும் சூழ்ந்து வந்தமை | 287. | பிடியின் மேல்வரு பிடிக்குல மநேக மெனவே | | | பெய்வ ளைக்கைமட மாதர்பிடி மீதின் வரவே
முடியின் மேன்முடி நிரைத்துவரு கின்ற தெனவே
முறைசெய் மன்னவர்கள் பொற்குடை கவித்துவரவே. |
(பொ-நி.) மடமாதர் பிடிமீதின் வர, மன்னவர்கள் பொற்குடை கவித்துவர; (எ-று.)
(வி-ம்.) பிடி - பெண்யானை. குலம் - கூட்டம். பெய்வளை கை -
வளையலணிந்த கைகளையுடைய. மடமாதர்-அரசபரிவார மகளிர். முடி-
மகுடம். பொற்குடை-பொன்னாலாகிய குடை.
(56) அரசரோடு வீரர் சூழ்ந்து வந்தமை | 288. | யானை மீதுவரும் யானையு மநேக மெனவே | | | அடுக ளிற்றின்மிசை கொண்டர சநேகம் வரவே
சேனை மீதுமொரு சேனைவரு கின்ற தெனவே
தெளிப டைக்கல னிலாவொளி படைத்து வரவே. |
(பொ-நி.) அரசு அநேகம் வர, படைக்கலன் நிலா ஒளி
படைத்துவர; (எ-று.)
(வி-ம்.) அடுகளிறு - கொல்கின்ற யானை. மிசை -மேலிடம். தெளி-
மாசற்ற. படைக்கலன் - வாள் முதலிய படைக்கருவி. நிலா ஒளி-நிலவைப்
போன்ற ஒளி. படைத்து-உண்டாக்கி. (57) முரசு முழக்கும் கொடி வரிசையும் | 289. | முகிலின் மேன்முகில் முழங்கிவரு கின்ற தெனவே | | | மூரி யானைகளின் மேன்முர சதிர்ந்து வரவே
துகிலின் மேல்வரு துகிற்குலமு மொக்கு மெனவே
தோகை நீள்கொடிகள் மேன்முகி றொடங்கி வரவே. |
(பொ-நி.) யானைகளின்மேல் முரசதிர்ந்துவர, கொடிகள் மேல்
முகில் தொடங்கிவர; (எ-று.)
(வி-ம்.) முகில் - மேகம். மூரி - வலிமை. துகில் - துகிற்கொடி.
தோகை - பெருங்கொடிகள். முகில் தொடங்கி - மேகங்கள் தொடர்ந்து. வானத்தே துகிற்கொடியும் மேகமும் மாறுபட்டுத் தோன்றின என்க.
(58) |