(பொ-நி.) குடை, கவரிகள், இவை கடல் நுரை என, கொடி பிறழ்வன,
மிளிர்வன கயல் என; (எ-று.)
(வி-ம்.) அரசர்கள் இடுகுடை: நான்கன் தொகை. இடுகுடை-அணிபெற
இட்ட குடைகள். கவரிகள்-வெண்சாமரைகள். மிளிர்வன ஆகிய கயல் என்க.
குடைகளும் கவரிகளும் கடல்நுரையையொத்தன; மிடைகொடி-நெருங்கிய
கொடிகள்; பிறழ்வன-அசைவன. கொடிகள் பிறழ்கின்ற மீன்கள் யொத்தன
என்க. (86) இதுவும் அது | 398. | அலகினொ டலகுகள் கலகல | | | எனுமொலி அலைதிரை ஒலியெனவே
உலகுகள் பருகுவ தொருகடல்
இதுவென உடலிய படை எழவே. |
(பொ-நி.) கலகல எனும் ஒலி திரைஒலி என, படை. கடல் இது என எழ, (எ-று.) (வி-ம்.) அலகு-வேல் வாள் முதலிய படைக்கலங்கள். கலகல: ஒலிக்
குறிப்பு. திரை-கடல்; அலை. உலகுகள் பருகுவதொரு கடல்-
ஊழிக்காலத்தெழுங்கடல். உடலுதல்-மாறுபட்டெழுதல். (87) இதுவும் அது | 399. | விசைபெற விடுபரி இரதமும் | | | மறிகடல் மிசைவிடு கலமெனவே
இசைபெற உயிரையும் இகழ்தரும்
இளையவர் எறிசுற வினம் எனவே. |
(பொ-நி.) இரதமும், கடல்மிசைவிடு கலமென, இளையவர் சுறவினம் என; (எ-று.)
(வி-ம்.) விசை பெற-விரைவு கொள்ள. பரி-குதிரை. மிசைவிடு-மேலே
விட்ட. கலம் - மரக்கலம். உயிரையும் இகழ்தரும் - தம் உயிரைக்கூடப்
பொருட்படுத்தாத. இதனைச், 'சுழலும் இசைவேண்டி வேண்டா உயிரார்'
என்பர், வள்ளுவர். இளையவர்-வீரர்கள். சுறவு-சுறாமீன். இனம்-கூட்டம்.
(88) |