கேடகத்தோடு வீரர் வீழ்ந்த நிலை

     (பொ-நி.)  கேடகம் கிடப்ப, மைந்தர் வைகுவோர் தேரின் நேமியோடு
பார்கிடப்ப தொக்கும்; (எ-று.)

     (வி-ம்.) மறிதல் -  விழுதல். மைந்தர் -   வீரர். துஞ்சுதல் - இறத்தல்.
வைகுவோர்  -  கிடப்போர்.  தேரின்   பறிந்த  என  இயைக்க.  பறிதல் -
ஓடிப்போதல் நேமி-சக்கரம்.  பார் - வண்டியின்  கீழ்ப்பக்கத்துள்ள  நீண்ட  மரத்துண்டம்; நுகத்தடியோடு இணைவது.
                                                         (27)

சக்கரப்படையும் தண்டுப்படையும் பொருதமை

     (பொ-நி.)  நேமி  கண்டு,  வீசு  தண்டிடை,  (அது)  குளித்தபோழ்து,
கூர்மழுக்கள் ஒக்கும்; (எ-று.)

     (வி-ம்.) களித்த வீரர் - களிப்புக்கொண்ட  படைவீரர்.  நேமி-சக்கரம். தண்டு-தண்டாயுதம்.  குளித்தபோழ்து-அச்சக்கரம் தைத்தபோது. கைப்பிடித்த-
கையிலெடுத்த. மழு-கோடரி போன்ற பரசுப்படை.                (28)

குறை உடலங்களின் ஆட்டம்

     (பொ-நி.)  முன்பு  கவந்தம்  ஆட,  ஆடு  பேயினம்,  ஆட்டுவிக்கும்
நித்தகாரர் ஒக்கும்; (எ-று.)