(வி-ம்.) அணி - இருதிறத்துப்படை வகுப்புக்களும். ஒருமுகமாக -
பரந்துபட்டு இராமல். உந்துதல் -செலுத்தல். அமரர் -தேவர். அமர்-போர்.
துணி-துண்டம். மதமா - யானை. முறிந்தன - வெட்டுண்டன. துரகம்-குதிரை.
நிரை- வரிசை. (42) போரின் கடுமை | 446. | விருதர் இருதுணி பார்நி றைந்தன | | | விடர்கள் தலைமலை யாய்நெ ளிந்தன
குருதி குரைகடல் போல்ப ரந்தன
குடர்கள் குருதியின் மேல்மி தந்தவே |
(பொ-நி.) துணி பார் நிறைந்தன ; தலை மலையாய் நெளிந்தன ;
குருதி கடல்போல் பரந்தன ; குடர்கள் மிதந்த ; (எ-று.)
(வி-ம்.) விருதர் - வீரர். துணி - உடல் துணிந்த பகுதிகள். பார்-மண்.
விடர்-வீரர். நெளிதல் - உருண்டோடல். குருதி-செந்நீர். குரைத்தல்-ஒலித்தல். பரத்தல் - பரவுதல். (43) இதுவும் அது | 447. | கரிகள் கருவிகளோடு சிந்தின | | | கழுகு நரியொடு காகம் உண்டன
திரைகள் திசைமலை யோட டர்ந்தன
திமில குமிலமெ லாம்வி ளைந்தவே. |
(பொ-நி.) கரிகள் சிந்தின; காகம் உண்டன; திரைகள் அடர்ந்தன;
திமில குமிலமெலாம் விளைந்த; (எ-று.)
(வி-ம்.) கரி - யானை. கருவி - கூட்டம். திரை - குருதிநீரின் அலை.
திசைமலை -எட்டுத்திக்கு மலைகள். திமில குமிலம். ஒரு பொருட் பன்மொழி; பேரொலி. விளைந்த-உண்டாயின. (44) கலிங்க வேந்தன் பொருதலாற்றாது ஒதுங்கியமை | 448. | புரசை மதமலை ஆயி ரங்கொடு | | | பொருவ மெனவரும் ஏழ்க லிங்கர்தம்
அரசன் உரைசெய்த ஆண்மை யுங்கெட
அமரில் எதிர்விழி யாதொ துங்கியே. |
|