மனங்கவரும் இயல்பு கூறி விளித்தது

3. காடு பாடியது

     [கலிங்கப்   போர்க்களத்தில் பரணிக்கூழைப்  பேய்கள்  பெறுமாறு
செய்த  பேய்களின்  தலைவியாகிய  காளியைக்  கூறப் புகுந்த ஆசிரியர்,
அவள் உறையும் இடமாகிய பாலை நிலத்தைச் சார்ந்த காட்டின் இயல்பை முதலாவதாகக் கூறுகின்றார்.]

     [அக்காட்டில்   கதிரவன்  தெறுதலால்  பொரிபொரியாய்ப்  போன
காரையும்,  கரிந்துபோன  சூரையும்  முதலான  செடிகளும்,  கொடிகளும்,
மரங்களுமே   எங்கும்  காட்சியளிக்கின்றன.  பருந்துகளும்,  புறாக்களும், மான்களும்    ஆண்டாண்டுச்   சில   இடங்களில்   காணப்படுகின்றன.
ஒவ்வோரிடங்களில்   மரப்பொந்துகளில்   பாம்புகள்  தலைநீட்டுகின்றன.
கானல்நீர்  எங்கும்  காட்சியளிக்கின்றது.  நாக இரத்தினங்களும் மூங்கில்
முத்துக்களும்   ஆண்டாண்டு   சிதைந்து  கீழே  வீழ்ந்து  கிடக்கின்றன.
இங்ஙனம்   பாலையின்   கொடுமை   தோன்றுமாறு,   காளி  உறையும்
இக்காட்டை ஆசிரியர் கூறும் திறம் பெரிதும் உணர்ந்து மகிழத்தக்கது.