(பொ-நி.) சூறை, சுடலைப் பொடியைச் சீத்தடிப்ப,  அப் பொடியால்
புதைந்த மணி தழலேபோலும்; போலாவேல் தணலேபோலும்; (எ-று.)

     (வி-ம்.) சிதைந்த - உயிர்போய்ச்   சிதைந்த.  சூறை  - சூறாவளி
சுழல்காற்று. சீத்து -கிளறி. புதைந்த-மறைந்த. மணி -இரத்தினம். பொடிமூடு
தணல் - நீறு  பூத்த  நெருப்பு.  செல்வராயினார்  பிணங்களின்  மீதுள்ள
மணியணிகளைக்      கழற்றா      தொழிந்தமையின்      அம்மணிகள்
பலவிடங்களினுங்கிடந்து விளங்கலாயின.                         (17)

மூங்கில் முத்துதிர்தல் கூறியது

     (பொ-நி.) வேய்  பொழியும்  முத்தம் கண்டு  இரங்கிச் சொரிகின்ற
கண்ணீர் போலும்; (எ-று.)

     (வி-ம்.) ஓடி- வெடிப்பு ஓடி. வறந்து-வறண்டு. துறந்து பிடிப்பு நீங்கி.
அங்காத்தல் - வாய்பிளத்தல். வேய்-மூங்கில். முத்தம்-முத்து. கண்ணோடி-
கண்ணோட்டம்  செய்து;  கணுக்கள்  வெடித்து. கண்டிரங்கி-கண்டு மனம்
இரங்கி;  கண்திரங்கி.  கணுக்கள்  சுருங்கி  எனவும்  கூறலாம். முதிர்ந்த
மூங்கில்களில் முத்துக்கள் உண்டாகி வெடித்து வெளிப்படுதலை இவ்வாறு
பாலைநில வெம்மைக் கிரங்கிக் கண்ணீர் சொரிவதாகக் கற்பித்தார்.  (18)

இதுவும் அது