| காற்றின் இயல்பு கூறியது | 94. | பல்கால்திண் திரைக்கரங்கள் கரையின் மேன்மேற் | | | பாய்கடல்கள் நூக்குமது அப்படர்வெங் கானிற்
செல்காற்று வாராமல் காக்க அன்றோ
திசைக்கரியின் செவிக்காற்றும் அதற்கே யன்றோ. |
(பொ-நி.) கடல், திரைக்கரங்களை நூக்கும் அது காற்றுவாராமல்
காக்க அன்றோ? கரியின் செவிக்காற்றும் அதற்கே அன்றோ? (எ-று.) (வி-ம்.) பல்கால் - பலமுறை. திரைக்கரம்-அலையாகிய கை. நூக்குதல்
-தள்ளுதல். திசை-திக்கு. கரி- யானை, செவிக்காற்று எழுப்பலும் அதற்கே
என்க. அதற்கு - அதனை வாராமற் காக்க. (20) வெப்பநிலை கூறியது | 95. | முள்ளாறும் கல்லாறும் தென்னர் ஓட | | | மின்னொருநாள் வாளபயன் முனிந்த போரின்
வெள்ளாறும் கோட்டாறும் புகையான் மூட
வெந்தவனம் இந்தவனம் ஒக்கில் ஒக்கும். |
(பொ-நி.) தென்னர் ஓட, அபயன் முனிந்த போரில் புகையால் மூட வெந்தவனம், இந்தவனம் ஒக்கும்; (எ-று.) (வி-ம்.) முள் - முட்களையுடைய, ஆறு - வழி. கல்- பருக்கைக் கல். தென்னர்- பாண்டியர். முனிதல் - வெகுளல். வெள்ளாறு: ஆற்றின் பெயர். கோட்டாறு: ஊரின் பெயர். வனம் - பகை வேந்தரின் காவற்காடு. (21) மணல் இயல்பு கூறியது | 96. | அணிகொண்ட குரங்கினங்கள | | | அலைகடலுக்கு அப்பாலை
மணலொன்று காணாமல்
வரைஎடுத்து மயங்கினவே. |
(பொ-நி.) குரங்கினங்கள், கடலுக்கு மணல் ஒன்றுகாணாமல், வரை
எடுத்து மயங்கின; (எ-று.) |