கூத்தின் சிறப்புக் கூறியது | 123. | அரவொடு திக்கயமப் பொழுதுப ரித்தவிடத்து | | | அடியிட உட்குழிவுற்று அசைவுறும் அப்பொழுதில்
தரணித ரித்ததெனப் பரணிப ரித்தபுகழ்ச்
சயதர னைப்பரவிச் சதிகொள்ந டத்தினளே. |
(பொ-நி.) திக்கயம் பரித்த இடத்து, அடி இட அசைவுறும்
அப்பொழுதில் (சயதரனால்) தரணி தரித்ததென, சயதரனைப் பரவி,
சதிகொள் நடத்தினள்; (எ-று.) (வி-ம்.) அரவு - ஆதிசேடன். திக்கயம் - திசையானை. அப்பொழுது
-அந்தக்காலம். (குலோத்துங்கன் தாங்குதற்கு முன்) பரித்தல் - தாங்குதல்.
அடிஇட-கூத்தியற்ற; தன் கால்களை வைக்க. உள்குழிவு உற்று - உள்ளே
பள்ளமாகி. தரணி - உலகம். தரித்தது - குலோத்துங்கன் தாங்கியமையின்
நிலைபெற்றது. பரணிபரித்த புகழ்-பரணிபாடற்கேற்ற புகழையுடைய. சயதரன்
-குலோத்துங்கன்; வெற்றி பூண்டவன் என்பது பொருள். பரவி-புகழ்ந்து. சதி
-தாள அறுப்பு. (3) தனத்தின் சிறப்புக் கூறியது | 124. | தணிதவ ளப்பிறையைச் சடைமிசை வைத்தவிடைத் | | | தலைவர்வ னத்தினிடைத் தனிநுகர் தற்குநினைத்து
அணிதவ ளப்பொடியிட்டு அடையவி லச்சினையிட்டு
அமுதமி ருத்தியசெப் பனையத னத்தினளே. |
(பொ-நி.) தலைவர் நுகர்தற்கு நினைத்து, பொடி இட்டு, இலச்சினை
இட்டு, அமுதம் இருத்திய செப்பு அனைய தனத்தினள்; (எ-று.)
(வி-ம்.) தணி-வெம்மையைக் குறைக்கின்ற; தண்ணிய எனற்பாலது
தணி என நின்றது, குளிர்ந்த என்றவாறு, தவளம், வெண்மை. விடை-எருது.
தலைவர் - சிவன். வனம் - காடு. தனி நுகர்தல் - தாமே கொள்ளுதல்.
தவளப்பொடி - வெண்ணீறு. இலச்சினை - முத்திரை. வெண்ணீறே
இலச்சினையாம் என்க. அரும்பொருளாதற் கேற்ப, முத்திரை இட்டுப்
பாதுகாக்கப்பட்டதென்றவாறு. செப்பு - செப்புக்கிண்ணம். (4) |