வாயின் சிறப்புக் கூறியது | 130. | உருகுத லைத்தொ டையற்கு வமைய றச்சுழல்வுற்று | | | உலவுவி ழிக்கடைபட்டு உடல்பகை யற்றொழியத்
திருகுரவைக் கிளவிச் சிறுகுத லைப்பவளச்
சிறுமுறு வற்றரளத் திருவத னத்தினளே. |
(பொ-நி.) விழிக்கடைபட்டு, உருகு தலைத் தொடையற்கு உடல்பகை அற்று ஒழிய, குரவை, குதலை, முறுவல் தரளத் திருவதனத்தினள்; (எ-று.)
(வி-ம்.) உருகு - ஆசையால் உருகுகின்ற தலைதொடையன் -
தலைமாலையணிந்த சிவன். சுழல்வுற்று- சுழன்று. விழிக்கடை -கடைக்கண்
பார்வை . உடல்பகை - காமநோய். குரவை- நாவை உருட்டிச் செய்யும்
மகிழ்ச்சியொலி. பவளச் சிறுமுறுவல் -பவளம் போன்ற உதட்டில் தோன்றும
புன்முறுவல். தரளம் - பற்களாகிய முத்துக்கள். வதனம்-முகம். விழிக்கடை
எழுப்பிய காமநோய் ஒழியுமாறு செய்தன குரவை, குதலை, முறுவல் என
இவை என்க. (10) திருமுகச் சிறப்புக் கூறியது | 131. | அருமறை யொத்தகுலத்து,அருணெறியொத்த குணத்து | | | அபயனு தித்தகுலத்து உபயகு லத்துமுதல்
திருமதி யொக்குமெனத் தினகர னொக்குமெனத்
திகழ்வத னத்தினிடைத் திலகவ னப்பினளே. |
(பொ-நி.) அபயன் உதித்த உபயகுலத்து முத(லாகிய)மதி, தினகரன் ஒக்குமென, வதனத்திடை, திலக வனப்பினள். (எ-று.)
(வி-ம்.) குலத்து - குல ஒழுக்கத்தினையுடைய. குணத்து
குணத்தினையுடைய. குலத்து-மேன்மையான. உபய குலம்-தந்தைதாயர் குலம்.
முதல் - முதல்வனாகிய. மதி - திங்கள். தினகரன் - ஞாயிறு. வதனம்-முகம்.
திலகம் - பொட்டு. வனப்பு-அழகு. (11) பேருருவச் சிறப்புக் கூறியது | 132. | அண்டமுறு குலகிரிகள் | | | அவளொருகால் இருகாதில்
கொண்டணியின் குதம்பையுமாம்
கோத்தணியின் மணிவடமாம். |
|