தோற்றுவாய் | 134. | எவ்வணங்கும் அடிவணங்க | | | இப்பெருமை படைத்துடைய
அவ்வணங்கை அகலாத
அலகைகளை இனிப்பகர்வாம். |
(பொ-நி.) அடிவணங்கப் பெருமை படைத்துடைய அணங்கை
அகலாத அலகைகளைப் பகர்வாம்; (எ-று.)
(வி-ம்.)அணங்கு-தெய்வமகளிர். அணங்கு-காளி. அலகை-பேய். (1) பேய்களின் கைகால் இயல்பு கூறியது | 135. | பெருநெ டும்பசி பெய்கல மாவன | | | பிற்றை நாளின்முன் னாளின் மெலிவன
கருநெ டும்பனங் காடுமு ழுமையுங்
காலுங் கையுமு டையன போல்வன. |
(பொ-நி.) பசிபெய் கலமாவன; மெலிவன; கையும் காலும் உடையன; பனங்காடு போல்வன; (எ-று.)
(வி-ம்.)கலம் - ஏனம். பிற்றை நாள் - மறுநாள். கரு-கருமை நிறம்.
மெலிவன பசியா லென்க. (2) வாய், வயிறு முழந்தாள் இயல்பு கூறியது | 136. | வன்பி லத்தொடு வாதுசெய் வாயின | | | வாயி னால்நிறை யாதவ யிற்றின
முன்பி ருக்கின்மு கத்தினு மேற்செல
மும்மு ழம்படும் அம்முழந் தாளின. |
(பொ-நி.) வாயின, வயிற்றின, முழந்தாளின; (எ-று.)
(வி-ம்.) பிலம் - குகை. வாதுசெய்தல்-(தாமே பெரியன
என்று)வழக்கிடல். இருக்கின்-குத்துக்காலிட்டு உட்கார்ந்தால். முகத்தினும்
மேற்செல-அவற்றின் முழந்தாள் அவற்றின் முகத்துக்கும் மேற்பட்டுச் செல்லுதல் என்க. (3) |