(வி-ம்.)வற்றல் ஆக-வற்றலைப்போல. மரக்கலம்-படகு; மறிபுறம்-
காற்றால் மறிந்த புறப்பக்கம். வான்தொளை - பெரியதுளை. புற்று-வளை.
புக்கு-புகுந்து, உந்திய-கொப்பூழையுடையன. (6) உடல், மயிர், மூக்கு, செவி இயல்பு கூறியது | 140. | பாந்தள் நால்வன போலுமு டல்மயிர் | | | பாசி பட்டப ழந்தொளை மூக்கின
ஆந்தை பாந்தியி ருப்பத்து ரிஞ்சில்புக்கு
அங்கு மிங்குமு லாவுசெ வியன. |
(பொ-நி.) பாந்தள் போலும் மயிர்; பழந்தொளை மூக்கின; துரிஞ்சில்
உலாவு செவியன; (எ-று.)
(வி-ம்.)பாந்தள் -பாம்பு. நாறுதல்-தொங்குதல். பழம்பாசி-நாட்பட்ட
அழுக்கு. பட்ட-பொருத்திய. பாந்தியிருத்தல்-பதுங்கியிருத்தல். துரிஞ்சில்-
வௌவால் இனத்தைச் சேர்ந்தது, உலாவு-உலாவித் திரிகின்ற. (7) பல், தாலி, தலை உதடு இயல்பு கூறியது | 141. | கொட்டு மேழியுங் கோத்தன பல்லின | | | கோம்பி பாம்பிடைக் கோத்தணி தாலிய
தட்டி வானைத்த கர்க்குந் தலையின
தாழ்ந்து மார்பிடைத் தட்டும்உ தட்டின. |
(பொ-நி.) கோத்தன்ன பல்லின; கோத்து அணிதாலிய; தகர்க்கும் தலையின; தட்டும் உதட்டின; (எ-று.)
(வி-ம்.)கொட்டு-மண்வெட்டி. மேழி - கலப்பையின் மேழி. கோத்த
அன்ன - கோவைப்படுத்தியது போன்ற. கோம்பி - ஓந்தி. பாம்பிடை-
பாம்பின்கண். தட்டி-மோதி. வான்-விண். தகர்க்கும்-உடைக்கும். (8) பேய்க்குழவிகளின் இயல்பு கூறியது | 142. | அட்ட மிட்டநெ டுங்கழை காணில்என் | | | அன்னை யன்னையென் றாலுங்கு ழவிய
ஒட்ட வொட்டகங் காணில்என் பிள்ளையை்
ஒக்கு மொக்குமென் றொக்கலை கொள்வன. |
(பொ-நி.) குழவி, கழை காணில் அன்னை என்று ஆலும் பேய்
ஒட்டகம் காணில் ஒக்கலை கொள்வன; (எ-று.) |