நெடும்பேய் காளிக்குக் கூறல் | 157. | சுரகுருவின் தூதாகி யமன்பாற் செல்வோன் | | | துணித்துவைத்த சிரம்அன்று தின்றபேயைச்
சிரம்அரிய வதற்குறவாய் ஒளித்துப் போந்த்
சிலபேயைத் திருவுள்ளத் தறிதி யன்றே. |
(பொ-நி.) சிரம் தின்ற பேயை, சிரம்அரிய, அதற்கு உறவாய்
ஒளித்துப் போந்த பேயை அறிதி அன்றே; (எ-று.)
(வி-ம்.) சுரகுரு -சோழன் ஒருவன். செல்வோன்-சென்ற பேய்மகன்.
துணித்தல் - வெட்டுதல் (உண்ணுதற்குத் துணித்த தென்க.) சிரம் - தலை.
அன்று-அந்தநாள். தின்ற-களவாடித்தின்ற. அரிய-நீ அரிந்துவிட. உறவாய்-
தொடர்புற்று நண்புரிமை பூண்ட. (5) ஒரு முதுபேயின் வருகை கூறியது | 158. | அப்பேயி னொருமுதுபேய் வந்து நின்றிங்கு | | | அடியேனை விண்ணப்பஞ் செய்க என்றது
இப்பேய்இங் கொருதீங்குஞ் செய்த தில்லை
என்கொலோ திருவுள்ளம் என்னக் கேட்டே. |
(பொ-நி.) முதுபேய் வந்துநின்று, "விண்ணப்பம் செய்க" என்றது.
"இப் பேய் தீங்கு செய்ததில்லை திருவுள்ளம் என்?" என்னக் கேட்டு;
(எ-று.)
(வி-ம்.)முதுபேய் - கிழப்பேய். விண்ணப்பம் செய்தல்-தெரிவித்தல்.
தன் வருகையைத் தெரிவித்துத் தன்பாற் பிழை இன்மையைத்
தெரிவிக்குமாறு முதுபேய் கூறிய தென்க. திருஉள்ளம்-சிறந்த கருத்து. (6) முதுபேய் காளி திருமுன் அணுகியது கூறியது | 159. | அழைக்க வென்றலும் அழைக்க வந்தணுகி | | | அஞ்சி யஞ்சிஉன தாணையின்
பிழைக்க வந்தனம்பொ றுத்தெ மக்கருள்செய்
பெண்ண ணங்கெனவ ணங்கவே. |
|