(பொ-நி.) உரைத்த அவனும், கொணர்ந்த அவனும் நமன்மேல்
வென்றி கொண்டவனும் என்று இவர்கள் கொண்ட விறலும்; (எ-று.) (வி-ம்.)காலன்-இயமன். வழக்கு-முறைமை. புவனி - உலகம், வீவது
- இறப்பது. நமன்-இயமன். வென்றி-வெற்றி. விறல்-வெற்றி. (15) சித்திரன், சமுத்திரசித்து பஞ்சபன் முதலியோர்சிறப்புக் கூறியது | 193. | புலியெ னக்கொடியி லிந்திரனை வைத்த வவனும் | | | புணரி யொன்றினிடை யொன்றுபுக விட்டவவனும்
வலியி னிற்குருதி உண்கெனவ ளித்த வவனும்
வாத ராசனைவ லிந்துபணி கொண்ட வவனும் |
(பொ-நி.) இந்திரனை வைத்த அவனும், புகவிட்ட அவனும், அளித்த
அவனும், பணிகொண்ட அவனும்; (எ-று.) (வி-ம்.)கொடியில்-தன் கொடியிடத்தில். புணரி-கடல். குருதி - செந்நீர்.
வாதராசன்-வாயுதேவன்; காற்றுக் கடவுள். (16) தூங்கெயில் எறிந்தோன், உபரிசரன் முதலியோர்சிறப்புக் கூறியது | 194 | தூங்கு மூன்றெயி லெறிந்தவவ னுந்தி ரண்மணிச் | | | சுடர்வி மானமது வான்மிசையு யர்த்த வவனும்
தாங்கள் பாரதமு டிப்பளவுநின்று தருமன்
தன்க டற்படைத னக்குதவி செய்த வவனும். |
(பொ-நி.) தூங்கெயில் எறிந்த அவனும், விமானமது உயர்த்த அவனும்,
உதவிசெய்த அவனும். (எ-று.) (வி-ம்.) தூங்கு - அசைந்து செல்கின்ற. திரள் மணி - கூட்டமாகிய
ஒளிமணிக்கற்கள். சுடர் விமானம்-ஒளியுள்ள விமானம். வான்-வானம். எயில்
- மதில். எறிதல்-அழித்தல். (17) |