இலை - நாணம் இல்லை; சமரினில் தைரியம் சற்றும் இல்லை - போரிலே
அஞ்சாமை சிறிதும் இல்லை; அம்தாரம் இல்லை - அழகிய தன் மனைவி
இல்லை ; தொடர்முறை இல்லை - மற்றவர்களோடு சம்பந்தம் இல்லை; நிலை
இல்லை - உறுதி இல்லை; அறிவு இல்லை -; மரபும் இல்லை - மரபுநெறியும்
இல்லை; அறம் இல்லை - ஒழுக்கம் இல்லை; நிதி இல்லை - செல்வம்
இல்லை; இரவினில் தனிவழிக்கு அச்சமோ மனதில் இல்லை - இரவினிலே
தனிவழியே செல்வதற்கு மனதில் அச்சம் இல்லை; நந்தாத சனம் இல்லை -
கெடாத மக்களுறவு இல்லை; இனம் இல்லை - உறவு இல்லை; எவருக்கும்
நட்பு இல்லை - யாரிடத்திலும் நட்பு இல்லை; கனதை இல்லை - மதிப்பு
இல்லை; நயம் இல்லை - வாழ்க்கையில் இனிமை இல்லை; இளமைதனில்
வலிமை இலை - இளமையில் வலிவு இல்லை; முத்திபெறும் ஞானமிலை -
வீட்டை அடையும் அறிவு இல்லை; என்பர் - என்று பெரியோர் கூறுவார்கள்.

     (விளக்கவுரை) கண்டாய்: அசைநிலையாகப் பொருள் இல்லாமல்
நின்றது.

     (அருஞ்சொற்கள்) கனதை (வட) - பெருமை. நந்துதல் - கெடுதல்.
சில இடங்களில் ‘ஆக்கம்' என்றும் பொருள்படும்.

     (கருத்து) பிறர் மனைவியை விரும்பிய காமுகர்கட்கு
இவையெல்லாம் இல்லை என்று கூறுவார்கள்.                 (65)