எளிதிற் கிடைக்கும்; மரியாதைஆம் - பிறர்போற்றுஞ் சிறப்புக்கிடைக்கும்;
செல்வமோ புகல் பெருக்கு ஆறுபோல்ஆம் - செல்வமும்(பிறர்)
புகழ்ந்துகூறும் (அளவில்) வெள்ளம் மிகுந்த ஆற்றைப்போல (வடியாது)
பெருகும்; புவியில்முன்கண்டு மதியாதபேர் பழகினவர்போலவே நேசம்
ஆவர் - உலகில் தாம் வறியராயிருந்தபோது பார்த்து மதிப்புக்கொடாதவர்க
ளெல்லோரும் (இப்போது) பழகியவர்போல நட்புக்கொள்வர்; சாதியில்
பெருமையொடு உயர்ச்சிதரும் - சாதியிலும் மேன்மையும் உயர்வும்
உண்டாகும்; அனுதினமும் பேரும் பிரதிட்டை உண்டாம் - எந்நாளும்
புகழும் வரவேற்பும் கிடைக்கும்; பகையாளிகூட பிரியமொடு உறவாகுவான் -
பகைவனும் அன்போடு நட்புக்கொண்டாடுவான்; பேச்சினில் பிழைவராது -
பேசும் போது பிழையில்லாத பேச்சு வரும்; வரும் என நினைத்த பொருள்
கைகூடிவரும் - வரவேண்டுமென்று எண்ணிய பொருள் தவறாமற் கிடைக்கும்;
அதிக வல்லமைகள் மிகவும் உண்டாம் - எடுத்த தொழிலை முடிக்கும்
பேராற்றல் மிகுதியாக உண்டாகும்.

     (அருஞ் சொற்கள்) பிரதிட்டை (வட) வரவேற்பு. பெருக்கு -
வெள்ளம். திரு-செல்வம். செல்வத்தின் தெய்வம் திருமகள்.

     (கருத்து) திருமகளின் அருளால் யாவும் கிடைக்கும்.       (67)