காலத்திலே பயிர்கள் விளைவதற்குத் தொடர்ச்சியாக மழைபெய்யும்;
மிக்கான அறிவுளோர் மிடியாளருக்குத் தருணம் வருகாலத்தில் உதவுவார் -
பேரறிவாளர் வறியருக்குக் காலம் அறிந்து பொருளுதவி செய்வார்; நாகரிகம்
உறுகுயில் வசந்த காலத்திலே நலம் என்று உகந்து கூவும் - அழகிய குயில்
வேனிற்காலமே நல்லதென்று விரும்பிக் கூவும்; நல்லோர் குறித்ததைப்
பதறாமல் அந்த அந்த நாளையில் முடிப்பர் - நல்லறிவாளர் தாம்
நினைத்ததை அமைதியாக அவ்வக்காலத்திலே நிறைவேற்றிக் கொள்வர்;
வாகுஅனைய காலை கல் - அழகிய இளமை (அறம்புரிய) உறுதியானதாகும்;
மாலைபுல் - முதுமைப்பருவம் (அறம்புரிய) அற்பம் ஆனதாகும்; எனும்
உலக வாடிக்கை நிசம் அல்லவோ? - என்று கூறும் உலகியல்மொழி
உண்மையானதன்றோ?

     (விளக்கவுரை) ‘பகல்வெல்லும் கூகையைக் காக்கை; இகல் வெல்லும்
- வேந்தர்க்கு வேண்டும்பொழுது' என்னும் திருக்குறள் கருத்து இங்கே
வந்துளது. வசந்தகாலம் : இளவேனில் முதுவேனில் எனப்படும் சித்திரை,
வைகாசி, ஆனி, ஆடித்திங்கள்கள், ‘காலை கல்; மாலை புல்' என்பது
பழமொழி.

     (கருத்து) காலமறிந்து தொழில்புரியவேண்டும்.            (69)