(இ-ள்.) மயிலேறி.............குமரேசனே!-, வேட்டஅகம் தன்னிலே மருகன்
வந்திடும் அளவில் - மனைவியின் தந்தை வீட்டில் மருமகன் வந்தவுடன்,
மேன்மேலும் உபசரித்து - மேலும் மேலும் ஆதரவுகாட்டி, விருந்துகள்
சமைத்து - புதிய உணவுகளைச் சமைத்து, நெய்பால் தயிர் பதார்த்தவகை
வேண்டுவ எலாம் அமைப்பார் - நெய்யும் பாலும் தயிரும் கறிவகைகளுமாக
விரும்பியவற்றை யெல்லாம் செய்துவைப்பார்கள்; ஊட்டம்மிகு வாக்கவகை
செய்து இடுவர் - உடலுக்கு வலிமைதரும் சிற்றுண்டி வகைகளைச் சமைத்துக்
கொடுப்பார்கள்; தைலம் இட்டு உறுதியாய் முழுகுவிப்பார் - எண்ணெய்
தேய்ப்பித்து நலம் பெற நீராட்டுவார்கள்; ஓயாது தின்னவே பாக்கு இலை
கொடுத்திடுவர் - தின்பதற்குத் தொடர்ச்சியாக வெற்றிலையும் பாக்கும்
அளிப்பார்கள்; உற்றநாள் நாலாகிலோ - (அங்குத்) தங்கிய நாட்கள் நான்கு
ஆகிவிட்டால், நாட்டம் ஒருபடி இறங்குவதுபோல் நாளுக்குநாள் மரியாதை
குறைவுறும் - அவனுக்குச் செய்யும் ஆதரவு ஒவ்வொரு வகையாகக்
குறைவது போல மதிப்பும் ஒவ்வொரு நாளாகக் குறையும்; மைத்துனர்கள்
நகைசெய்வர் - மைத்துனர்களெல்லோரும் இகழ்ந்து பேசுவர்; மாமி அலுவல்
பார் போ என்று நாணாமல் சொல்வாள் - மனைவியின் தாய் சென்று
ஏதாவது வேலைசெய் என்று (முன் இருந்து) வெட்கம் இல்லாமல்
விளம்புவாள்; வாட்டம் மனையாள் ஒருதுரும்பாய் மதிப்பள் -
வழிபடுதற்குரிய மனைவியும் அவனை ஒரு துரும்பு