மாறும்; மேடு எலாம் உறுபுனல்கொள் மடுஆயிடும் - மேடுகள் யாவும்
மிகுதியான நீரைக்கொண்ட மடுவாக மாறிவிடும்; நாடு காடாகும் -
(மக்களிருக்கும்) நாடு (விலங்குகள் வாழும்) காடாகும்; உயர்காடு நாடு
ஆகிவிடும் - (மரங்கள்) உயர்ந்த காடு (மக்களிருக்கும்) நாடாக மாறி விடும்;
நவில் சகடு மேல்கீழதாய் நடையுறும் - சொல்லப்படும் (வண்டியின்) ஆழி
மேலுங்கீழுமாக மாறிமாறிச் சுற்றிக்கொண்டு செல்லும்; பலசந்தை கூடும்
உடனே கலையும் - பலவகைச் சந்தைகளும் கூடுவதும் கலைவதுமாகவே
இருக்கும்; நல்நிலவும் இருளாய்விடும் - நல்ல நிலவின் ஒளியும் (மாறி)
இருளாகிவிடும்; நீடுபகல் போயபின் இரவாகும் - பெரிய பகல் கழிந்து இரவு
வரும்; இரவுபோய் நிறைபகற்போதாய் விடும் - இரவுநீங்கி ஒளிநிறைந்த
பகற்காலம் வந்துவிடும்; நிதியோர் மிடித்திடுவர் - செல்வர் வறியராவர்;
மிடியோர் செழித்திடுவர் - வறியோர் செல்வராவர்; வாழ்வு நிசம் அல்ல -
(ஆகையால்) வாழ்க்கை நிலையானதன்று; மாடு மனை பாரி சனம் மக்கள்
நிதிபூடணமும் மருவுகனவு ஆகும் அன்றோ? - ஆநிரையும், வீடும்,
மனைவியும், உறவினரும், மக்களும், செல்வமும், அணிகலன்களும் கனவைப்
போலவே மாறிவிடும் அன்றோ?

     (அருஞ்சொற்கள்) உறுபுனல் - மிகுதியான நீர். மிடி - வறுமை. பாரி
(வட) மனைவி. பூடணம் (வட) அணிகலன்.

     (கருத்து) செல்வம் நிலையற்றது. ஆகையால், அது உள்ளபோதே
அறம்பல புரிக.                                      (73)