செல்வர்கள் வந்தால், தேகசீவன்போலவே சினேகித்த உம்மை - உடலும்
உயிரும்போல் நட்புக்கொண்ட தங்களை, ஒருபொழுது காணாவிடின்
அன்னம் செல்லுறாது - ஒரு வேளை பாராவிடின் உணவு
ஏற்றுக்கொள்வதில்லை; என்றே - எனவே கூறி, கூடிச்சுகிப்பர் - கலந்து
மகிழ்வர்; என் ஆசை உன்மேல் என்று கூசாமல் ஆணையிடுவர் - என்
காதல் உனக்கே என்று மனங்கூசாமற் பொய்யாணையிடுவார்கள்;
கொங்கையை வெடிக்கப் பிடிக்கக் கொடுத்திடுவர் - மார்பைத் திறந்து
பற்றும்படி கொடுப்பார்கள்; இதழ் கொடுப்பர் - இதழ் பருக அளிப்பர்;
சும்பனம் உகப்பர் - சும்பனம் என்னும் கரணத்தை விரும்பிச்செய்வர்;
வேடிக்கைபேசியே கைமுதல் பறித்தபின் - இனிமையாகப்பேசிக் கையிலுள்ள
செல்வத்தைப் பற்றிய பிறகு, வேறுபட நிந்தைசெய்து - மனம்வெறுக்கப்
பழித்து, விடவிடப் பேசுவர் - மாறிமாறித் தூற்றுவர்; தாய் கலகம் மூட்டியே
விட்டுத் ரத்திவிடுவார்- தாய்க்கிழவியைக்கொண்டு கலகம் உண்டாக்கி
வீட்டை விட்டுத் துரத்துவார்கள்; இந்த வண்டப் பரத்தையர் மயக்கத்தை
வாடிக்கையாய் நம்பலாமோ? - இந்த இழிந்த வேசையரின் மயக்கந்ததருங்
காமச்செயல்களை வழக்கமாக நிலையென நம்பல்கூடுமோ?

     (கருத்து) காதலை விரும்பாமற் பணத்தை விரும்பும் வேசையரின்
நட்பு வேண்டாம்.                                    (75)