நல்லது; சரச குணம் இல்லாத பெண்களைச் சேர்தலின் சந்நியாசித்தல் .
நன்று - இனிய பண்பு இல்லாத பெண்களைக் கூடுவதினும் துறவுபூணுதல்
நல்லது; அஞ்சலார் தங்களொடு நட்பாய் இருப்பதனில் அரவினொடு
பழகுவது நன்று - பகைவருடன் நட்பாய் இருப்பதினும் பாம்பொடு பழகல்
நல்லது; அந்தணர்க்கு ஆபத்தில் உதவாது இருப்பதினில் ஆருயிர் விடுத்தல்
நன்று - அருட்பண்புடையாருக்கு ஆதரவு செய்யமுடியாத நிலையினும்
இறப்பது நல்லது; வஞ்சகருடன் கூடிவாழ்தலில் தனியே வருந்திடும் சிறுமை
நன்று - கரவான எண்ணமுடையோருடன் கூடிவாழ்வதினும் தனியே
வருந்தும் இழிநிலை நல்லது.

     (அருஞ்சொற்கள்) பஞ்சரித்து - இரந்து; பஞ்சம் என்ற சொல்லின்
அடியாகப் பிறந்தது. தஞ்சம் - எளிமை. அஞ்சலார் - பகைவர். அந்தணர்
- அருளுடையார்: அம் தண்மை உடையார் அந்தணர்; சாதியைக்
குறித்ததன்று.

     (கருத்து) ஈகையின் அருமையறியார் பொருளை யிரந்து வாங்குதல்
போன்ற செயல்களினும் பிச்சையெடுத்தல் முதலானவை நல்லவை.
                                                    (81)