சுகந்தவகை உற்றாலும் உருள்வண்டு இனம் துர்மலத்தை நாடும் - எத்துணை
நறுமணக் கலவைகள் இருந்தாலும் உருண்டுசெல்லும் வண்டுக்கூட்டம்
புன்மணமுடைய மலத்தையே தேடும்; (ஆகையால்) தக்கோர் பொருட்சுவை
நயங்கள் எங்கேயென்று தாம் உகந்து பார்த்துக் கொள்வார் - நல்ல
புலவர்கள் பொருளின் சுவையும் அழகும் எங்குள்ளன என்று விரும்பித்
தேடித் தெரிந்துகொள்வார்கள்; தாழ்வான வன்கண்ணர் குற்றம் எங்கே
என்று தமிழில் ஆராய்வர் - இழிந்த கொடும் புலவர்கள் தமிழ்ப்பாக்களிலே
குற்றம் எங்கேயென்று தேடுவர்.

     (அருஞ்சொற்கள்) பங்கேருகம் (வட) - தாமரை. சுகந்தம் - (வட) -
நறுமணம். வன்கண்ணர் - கொடியவர். கண்டாய்: முன்னிலை அசைச்சொல்.

     (கருத்து) குணத்தைக் கொள்ளவேண்டும்; குற்றத்தை நீக்க
வேண்டும்.                                         (83)