(அருஞ்சொற்கள்) கோடுதல் - மாறுபடுதல். படி - உலகு; இங்கு
அவன் ஆளும் நாட்டை மட்டும் குறிக்கிறது. தளம் - படை கர்த்தர்
(வடமொழி) - தலைவர். அகம்-மனம்; இங்கே தற்பெருமையைக் குறிக்கிறது.
சுகுணம் (வடமொழி) - நற் பண்பு. துட்டர் (வடமொழி) - கயவர். நிக்கிரகம்
(வடமொழி) - நீக்குதல். சௌரியம் (வடமொழி) - வீரம். காண் : முன்னிலை
அசைச்சொல்.

     (கருத்து) அரசர்கள் குடிகளிடம் அன்பும், தரம் அறிதலும்,
குறிப்பறிதலும், நல்ல நட்புடன் செருக்கின்றி யிருத்தலும், காலம் இடம்
வலியறிந்து பகைவரை வெல்வதும், கயவரை ஒறுத்தலும் உடையவர்களாக
இருத்தல் வேண்டும்.                                  (3)

     (இ-ள்.) கொண்ட படிபோலும் விலைபேசி லாபம் சிறிது கூடிவர
நயம் உரைப்பார் - வாங்கிய (விலைப்)படியில் உள்ளவாறு விலைகூறிச்
சிறிது ஊதியம் வரும்படி இனிமையாகப் பேசுவார்; கொள்ளும் ஒரு
முதலுக்கு மோசம்