வராதபடி குறுகவே செலவு செய்வார் - தாங்கள் வைத்துக்கொண்ட
முதலுக்குக் கேடு வராவண்ணம் செட்டாகச் செலவு செய்வார்கள்; வண்டப்
புரட்டர்தாம் முறிதந்து பொன் அடகு வைக்கினும் கடன் ஈந்திடார் -
இழிந்த பொய் வஞ்சகம் முதலான குணமுள்ளவர்கள் ஒப்பந்தச் சீட்டு
எழுதிக் கொடுத்துப் பொன்னை ஈடாக வைத்தாலும் கடன் கொடார்; மருவு
நாணயம் உளோர் கேட்டு அனுப்புகினும் அவர் வார்த்தையில் எலாம்
கொடுப்பார் - பொருந்திய ஒழுங்குள்ளவர்கள் சொல்லி விட்டாலும்
அவர்கள் சொல்லுக்கே கேட்டவற்றை யெல்லாம் கொடுப்பார்கள்; கண்டு
எழுது பற்று வரவினில் மயிர் பிளந்தே கணக்கில் அணுவாகிலும் விடார் -
பார்த்து எழுதுகின்ற பற்றிலும் வரவிலும் மயிரளவாகினும் பிரித்தறிந்து
பார்த்து அணுவாகிலும் கணக்குப் பிறழ விடமாட்டார்; காசு வீணில்
செலவிடார் - வீண் வழிகளிலே காசைச் செலவழியார்; உசிதமானதில் கன
திரவியங்கள் விடுவார் - நல்ல நெறியில் மிகுந்த பொருளைச் செலவிடுவார்;
மண்டலத்தூடு கனவர்த்தகம் செய்கின்ற வணிகர்க்கு இது முறைமை -
நாட்டிலே பெருவணிகம் செய்கின்ற வணிகருக்கு இவை இயல்பாகும்.

     (அருஞ்சொற்கள்) படி - பிரதி. கொண்டபடி - வாங்கிய விலையைக்
குறித்திருக்கும் பிரதி. வண்டர் - இழிந்தவர். புரட்டர் - புரட்டுச் செய்வோர்,
பொய்யர் - வஞ்சகர். முறி - ஒப்பந்தச் சீட்டு. உசிதம் (வடமொழி) - தக்கது.

     (கருத்து) வணிகர் மிக்க ஊதியம் விரும்பாமலும், வரவுக்கேற்ற
செலவு செய்தும், நாணயத்துடனும், கணக்குப் பிறழாமலும்
ஈட்டியபொருளை நல்லவழியிற் செலவிட்டும் வாழ வேண்டும்.    (4)