(இ-ள்.) நல்ல தேவாலயம் பூசனை நடப்பதும் - நன்மையைத் தரும்
தெய்வங்களின் கோயில்களில் வழிபாடு நடைபெறுவதும், நாள்தோறும் மழை
பொழிவதும் - காலம் தவறாமல் மழை பெய்வதும், நாடிய தபோதனர்கள்
மாதவம் புரிவதும் - தவத்தை நாடியவர்கள் பெரிய தவம் செய்வதும்,
வேதம் நவில் வேதியரெலாம் சொல்லரிய யாகாதி கருமங்கள் செய்வதும் -
மறையை ஓதும் மறையவர்களெல்லோரும் கூறுதற் கியலாத பெருமை மிக்க
வேள்வி முதலிய தொழில்களைப் புரிவதும், தொல்புவி செழிக்கும் நலமும் -
பழைமையான உலகம் வளம் பெறுதற்குரிய செயல்களும், சுப
சோபனங்களும் - நல்ல மங்கலத் தொழில்களும், கொற்றவர்கள் செங்கோல்
துலங்கும் மனுநெறி முறைமையும் - அரசர்களுடைய நல்ல ஆட்சி
விளக்கமுறும் மனுநெறி தவறாமையும், வெல்லரிய சுகிர்தமொடு வர்த்தகர்
கொள்விலை விற்பனையும் - கெடாத நன்மையுடன் வணிகர் பொருளை
வாங்கி விற்பதும், அதிக புகழும் - பெரும் பேரும், மிக்க அதிகாரமும் -
பெரிய ஆட்சியும், தொழிலாளர் சீவனமும் - தொழிலாளர் வாழ்க்கையும்,
வீரரண சூர வலியும் - போர்க்களத்திலே பகைவர் அஞ்சிப் போர்புரியும்
ஆற்றலும், வல்லமைகள்