கண் அதர்தான் கூடப்பிறந்து என்ன?- விளங்கும் ஆட்டினிடத்தில்
(கழுத்தில் நீண்டு தொங்கும்) அலைதாடி உடன் பிறந்து யாது பயன்?,
தண்ணீரினுடனே கொடும்பாசி உற்றும் என்ன? - தண்ணீரில் கொடிய பாசி
தோன்றிப் பயன் யாது?, மாகர் உணும் அமுதினோடு நஞ்சம் பிறந்து
என்ன? - வானவர்உண்ணும் அமுதத்தோடு நஞ்சு தோன்றி யாது பயன்?
வல்இரும்பில் துருத்தான் வந்தே பிறந்து என்ன - உறுதியான இரும்புடன்
துருவந்து தோன்றி யாதுபயன்?, நெடுமரந்தனில் மொக்குள் வளமொடு
பிறந்து என்ன - நீண்ட மரத்தினிலே (குமிழிபோன்ற) முடிச்சு செழிப்புடன்
உண்டாகி யாது பயன்?, உண்பாகம்மிகு செந்நெலொடு பதர்தான் பிறந்து
என்ன - உண்ணும் பதம்மிகுந்த செந்நெல்லுடன் பதர் தோன்றி யாது
பயன்?, பன்னும் ஒரு தாய்வயிற்றில் பண்புஉறு விவேகியொடு கயவர்கள்
பிறந்து என்ன - சிறப்பாகச் சொல்லப்படும் ஒரு தாயின் வயிற்றிலே
நற்குணமுடைய அறிவாளியுடன் கொடியவர்கள் தோன்றி யாது பயன்?,
பலன் ஏதும் இல்லை அன்றோ - எவ்வகை நலனும் இல்லையன்றோ?

     (அருஞ்சொற்கள்) கனகம் (வட)பொன். கோகனகம் (வட) - தாமரை.
மாகர் (வட) - வானவர். அதர் - அலைதாடி (ஆட்டின் கழுத்தில்
தொங்குவது) மொக்குள்: மொக்குள் போன்ற முடிச்சு.

     (கருத்து) நல்லதுடன் தீயது தோன்றினும் நற்பொருளாகாது.  (90)