உண்ணவேண்டும் என்றே தினம் கூடுஉய்த்த நறவு போலும் - எல்லா
ஈக்களும் சேர்ந்து தாங்கள் பருகவேண்டும் என்று நினைத்து நாள்தோறும்
கூட்டிற்கொண்டு வைத்த தேனைப்போலவும், பயில் சோரருக்குப் பிறந்திடத்
தாம்பெற்ற பாலன் என்று உள் கருதியே - (தம் மனைவியருடன்) கலந்த
கள்ளக்காதலருக்குப் பிறந்த பிள்ளையைத் தாங்கள் பெற்ற மகன் என்று
மனத்தில் எண்ணி, பாராட்டி முத்தம் இட்டு அன்பாய் வளர்த்திடும் பண்பு
இலா புருடர் போலும் - கொண்டாடி முத்தம்கொடுத்து அன்புடன்
வளர்க்கின்ற மனித இயல்பு இல்லாத ஆடவர்களைப்போலும், துயில் இன்றி
நிதிகளைத் தேடியே ஒருவர்பால் தொட்டுத் தெரித்திடாமல் - தூக்கம்
இல்லாமற் செல்வத்தை ஈட்டி ஒருவர்க்கும் அணுவளவும் கொடுக்காமல்,
தொகைபண்ணி வைத்திடுவர் - தொகைதொகையாக எண்ணி வைத்திடுவர்
(சிலர்), கைக்கொண்டு போகவரு சொந்தமானவர் வேறு - (அப்பொருளை)
எடுத்துக்கொண்டுபோக வருகின்ற உரிமையாளர் வேறாவார்.

     காண் : முன்னிலை அசைச்சொல்.

     (கருத்து) பிறருக்குக் கொடுத்துத் தாமும் உண்ணாமற் சேர்த்து
வைப்பவர் பொருளை மற்றவரே அனுபவிப்பார்.              (92)