மார்பனே தெய்வயானைக்கும் வள்ளிக்குங் கணவனானவனே மயிலேறி.......
குமரேசனே!-, பாலினொடு தேன் வந்து சேரின் ருசி அதிகம் ஆம் -
பாலுடன் தேன் கலந்தால் இனிமை மிகும்; பருகும்நீர் சேரில் என்ஆம்
- குடிக்கும் நீர் பாலுடன் கலந்தால் இனிமை தருமா?, பவளத்தின்
இடைமுத்தை வைத்திடின் சோபிதம் - பவளத்தின் இடையிலே முத்தை
அமைத்தால் விளக்கமாகும்; படிகமணி கோக்கின் என்ஆம் - படிகமணியைத்
தொடுத்தால் விளக்கமுறுமா?, மேல் இனிய மன்னர்பால் யானை சேர்வது
கனதை - மேன்மையுடைய நல்ல அரசரிடம் யானை வருவது பெருமை;
மேடமது சேரின் என்ஆம் - ஆடு வருவது பெருமையா?, மிக்கான
தங்கத்தில் நவமணி உறின் பெருமை - உயர்ந்த பொன்னில் ஒன்பதுவகை
மணிகள் பதிப்பது சிறப்பு; வெண்கல் அழுத்தின் என் ஆம் - வெள்ளைக்
கல்லைப் பதிப்பது சிறப்பாகுமா? வாலிப மினார்களுடன் இளையோர்கள்
சேரின் நலம் - பருவமங்கையருடன் இளைஞர்கள் கூடுவது நன்மை;
வளைகிழவர் சேரின் என்ஆம் - முதுகு கூனிய முதியவர்கள் கூடுவது
நன்மையா?, மருவும் நல்லோரிடம் பெரியோர் வரின் பிரியம் -
நற்பண்புடையோரிடம் நல்லோர் சேர்வதே விருப்பமாகும்; வருகயவர் சேரின் என்ஆம் - தீயவர் கலப்பது விரும்பத்தக்கதா?

     (கருத்து) ஒத்த பண்புடைய பொருள்களுக்கே பொருத்தம்
உண்டாகும்.                                         (98)