(அருஞ்சொற்கள்) ஆதுலர் - (வட) பிச்சையெடுப்பவர்கள், தடிந்து -
பிளந்து. சூர் - சூரபதுமன்.

     (கருத்து) பிச்சை யெடுப்பவருக்கு உணவளிப்பவரும், மாணவர்கட்கு
ஆசிரியரும், அச்சமுற்றவர்களுக்கு அந்த அச்சத்தைப் போக்கினவரும்,
பெண்களுக்குக் கணவரும், குடிகளுக்கு மன்னவரும், மக்களுக்குப்
பெற்றோரும், மாந்தர்களுக்கு உறவினரும், சிவநெறியிற் செல்வோருக்குச்
சிவனடியாரும், வானவருக்கு முருகனும் தெய்வமாவர்.                                                    (8)

     (இ-ள்.) ஞானநெறியாளர்க்கு மோட்சத்திலே நினைவு - ஆன்ம
நெறியிலே செல்கின்றவர்களுக்கு வீடுபேற்றிலே எண்ணம், நல்
அறிவுளோர்க்கு நாள்தொறும் தருமத்திலே நினைவு - சிறந்த
அறிவாளிகளுக்கு எப்போதும் அறத்திலே எண்ணம், மன்னர்க்கு
இராச்சியந்தன்னில்